2026 jylǧy 1 nauryzda XI Halyqaralyq Baiqonyr Film Festival (BFF) kinofestivalıne qatysuǧa ötınım qabyldau bastalady. Barlyq baiqau baǧdarlamasyna filmderdı 1 şıldege deiın tapsyruǧa bolady. Festival 2026 jylǧy 19–25 qyrküiek aralyǧynda ötedı.
Biyl festival baǧdarlamasy tört baǧyttan tūrady:
-
Debiuttık tolyqmetrlı körkemsurettı filmderdıŋ halyqaralyq baiqauy
-
Halyqaralyq qysqametrlı filmder baiqauy
-
Ūlttyq qysqametrlı filmder baiqauy
-
Baiqonyr Pitching (ssenariiler baiqauy)
Filmder tüpnūsqa tılde, aǧylşyn tılındegı subtitrmen qabyldanady.
Qatysuşylarǧa jas şekteuı joq. Baiqauǧa 2025–2026 jyldary tüsırılgen jäne būǧan deiın Baiqonyr-ǧa ūsynylmaǧan jūmystar qabyldanady. Qysqametrlı filmder baiqauyna ūzaqtyǧy 30 minutqa deiıngı tuyndylar qabyldanady. Sondai-aq bır avtordan nemese ssenarister tobynan berıletın ötınım sanyna şekteu joq.
«2026 jyly festival aiasyn keŋeitıp, Euraziia elderınen de ötınım qabyldaimyz. Būl festivaldıŋ halyqaralyq auqymyn edäuır ūlǧaitady», – dep atap öttı festivaldıŋ negızın qalauşy ärı prezidentı Anuar Kenjibaev.
Sondai-aq, biyl Baiqonyr Pitching baiqauy qaita oraldy. Būl joba jas avtorlarǧa öz ideiasyn ssenariiden daiyn filmge deiın jetkızuge mümkındık beredı. Qatysuşylar mentorlardan keŋes alyp, prodiuserlık qoldauǧa ie bolady, sondai-aq saladaǧy resurstarǧa qol jetkızedı. Pitching kuratory – tanymal prodiuser Äsel Erjanova. Pitching Day 21 qyrküiekke josparlanǧan.
Festivaldıŋ tolyq baǧdarlamasy men küntızbesı arnaiy prezentasiiada jariialanǧan.
Aita ketsek, byltyr festival 10 jyldyq mereitoiyn atap öttı. Halyqaralyq baiqauǧa 865 ötınım, ūlttyq baiqauǧa 171 ötınım kelıp tüstı. Būl körsetkış festivalge degen qyzyǧuşylyq jyl saiyn artyp kele jatqanyn jäne onyŋ kinoeksperimentterge arnalǧan maŋyzdy alaŋǧa ainalǧanyn körsetedı.
Festival 2020 jyldan berı TMD-ǧa qatysuşy memleketterdıŋ Memleketaralyq gumanitarlyq yntymaqtastyǧy qorynyŋ qoldauymen ötkızılıp keledı.
Filmderdı FilmFreeway platformasy arqyly jıberuge bolady.
Festival jaŋalyqtaryn baiqonyr.kz resmi saitynan jäne Instagram paraqşasynan baqylap otyryŋyz.
