Andijan qalasynyŋ tūrǧyny Nasibahon İbragimova äleumettık jelı qoldanuşylaryn erekşe üilenu toiynyŋ jasauymen taŋǧaldyrdy. Ol jasauyna şamamen 800 kıtap alyp kelıp, dästürlı jasaudy kıtapqa degen süiıspenşılıktıŋ simvolyna ainaldyrdy. Būl turaly kun.uz jazdy, dep habarlaidy “Adyrna”.
Onyŋ jūbaiy Mirjalol Mahmaraimovtyŋ aituynşa, kıtaptardy olar bırneşe jyl boiy bırge jinaǧan. Erlı-zaiyptylar şamamen üş jyl kezdesken, sol uaqyt ışınde kıtap oqu olardyŋ ortaq qyzyǧuşylyǧyna ainalǧan.
“Bız kıtaptardy bırge oqydyq, bırge jinadyq jäne satyp aldyq. Sonymen qatar kıtaptardy onlain satumen de ainalystyq. Bızdıŋ armanymyz – bır ortaq kıtap söresıne ie bolu edı”, – deidı ol.
Toi 2025 jyldyŋ tamyz aiynda ötken. Toi aldynda Nasibahon küieuınıŋ üiıne özınde bolǧan jäne ekeuı bırge jinaǧan kıtaptardy alyp kelgen. Üilenu toiynan keiın jūbailar olardy bırıktırıp, bır ülken otbasylyq kıtaphana jasaǧan.
Qazır olardyŋ otbasylyq kolleksiiasynda şamamen 1500 kıtap bar.
Qazırgı uaqytta erlı-zaiyptylar Taşkent qalasynda tūrady. Mirjalol sol jerde Chorsu bazaryndaǧy kıtap dükenderınıŋ bırınde jūmys ısteidı.
Onyŋ aituynşa, kıtaphana suretı internette kezdeisoq tanymal bolyp ketken. Foto Nasibahonnyŋ Zulfiia atyndaǧy syilyqqa qatysu üşın tapsyrǧan qūjattaryna tırkelgen edı. Keiın bır bloger ony jelıde jariialaǧan.
