Memleket basşysy Qasym-Jomart Toqaev qazaqstandyqtardy äz-Nauryz merekesımen qūttyqtai otyryp, «Taza Qazaqstan» bastamasyna erekşe män berdı, dep habarlaidy "Adyrna" ūlttyq portaly.
Būl turaly Aqorda habarlady.
Prezidenttıŋ aituynşa, ekı jyl būryn bastalǧan «Taza Qazaqstan» jalpyūlttyq aksiiasy qoǧamda keŋ qoldau tapqan. Äsırese jastardyŋ belsendı qatysuy onyŋ auqymyn arttyra tüsken.
«Äz-Nauryz – tazaru, jaŋaru uaqyty. Tazalyq – män-maǧynasy keŋ ūǧym. Būl – eŋ aldymen, oi tazalyǧy, sana men niet tazalyǧy degen söz.
Osydan ekı jyl būryn elımızde «Taza Qazaqstan» jalpyūlttyq aksiiasy bastau aldy. Auqymdy joba halyqtyŋ, äsırese, jastardyŋ jappai qoldauyna ie boldy. Azamattarymyz tazalyqty qūr sözben emes, naqty ısımen körsetude. Ūqyptylyq, jinaqylyq, tiianaqtylyq qasietterı ūltymyzdyŋ jaŋa sapasyna ainala bastady.
Jalpy, «Taza Qazaqstan» bastamasy – jai ǧana kezektı saiasi nauqan nemese ügıt-nasihat emes, būl – memleketımızdıŋ myzǧymas ideologiiasy. Sondyqtan osy igı ıspen bız jyl boiy ainalysuymyz kerek, būl ūlt bolmysynyŋ ajyramas bölıgı boluǧa tiıs. Äsırese, Ūlystyŋ ūly künı tazalyq filosofiiasyn keŋınen därıpteu maŋyzdy.
Qazır Qazaqstanda tübegeilı özgerıster kezeŋı bastaldy. Ony barşaŋyz jaqsy bılesızder. Bärımız bır el bolyp Konstitusiialyq reformany tabysty jüzege asyrdyq. Būl reformanyŋ tarihi män-maǧynasy erekşe. Onyŋ el damuyna tigızetın yqpaly asa küştı bolaryna kümän joq.
Jaŋa Konstitusiia, eŋ aldymen, öskeleŋ ūrpaqtyŋ igılıgı üşın qabyldandy, būl jastarǧa arnalǧan qūjat desek, qate bolmaidy. Elımızge jany aşityn, iaǧni şyn mänınde janaşyr ūrpaq qana Qazaqstannyŋ körkeiuıne mol üles qosa alady. Elımızdıŋ keleşegı – otanşyl, jasampaz, jauapkerşılıgı mol jastardyŋ qolynda.
Bız eşqandai kedergı men qiyndyqqa qaramai, elımızdı örkeniet jolyna şyǧaruymyz kerek. Halqymyzdyŋ tarihi taǧdyry – özımızdıŋ qolymyzda.
Qazaqstannan basqa Otanymyz joq. Şyndyqty aitsaq, Qazaqstannyŋ damuy men örleuı bızden basqa eşkımge kerek joq. Sondyqtan qazırgı ūrpaq Otanymyzdyŋ baiandy bolaşaǧy üşın barlyq jaǧdaidy jasauy kerek.
Bärımız bır ūlt bolyp, bır el bolyp osy ūly tarihi joryqta mındettı türde jeŋıske jetuımız qajet. Būl – bızdıŋ eŋ basty mındetımız, missiiamyz».
Ūlystyŋ ūly künı Jer Ana da, elımız de jaŋaryp jatqan osy tarihi sätte aitylǧan tılektıŋ män-maǧynasy airyqşa dep oilaimyn. Sondyqtan eŋ bastysy elımızge amandyq, jerımızge tynyştyq tıleimın.
Qasiettı Otanymyz – Qazaqstan Respublikasy mäŋgı jasasyn!
Ata zaŋymyz öz tūǧyrynan tüspesın!
Tuymyz biıkte jelbıresın!
Ūlys oŋ bolsyn, aq mol bolsyn!
Elımızdıŋ tört qūbylasy tügel bolsyn!», - dedı Memleket basşysy.
