Jetısu oblysynda Nauryz meiramy keŋ kölemde atalyp ötıldı. Merekelık şaralar öŋırdıŋ barlyq audan-qalalaryn qamtydy. Taldyqorǧan qalasyndaǧy merekede Konstitusiia auyly men biyl mereitoilyq jyly atalyp ötıletın tarihi tūlǧalarǧa arnalǧan kiız üiler sap tüzdı.
Taǧy bır atap öterlık erekşelıgı sol, sifrlyq kiız üi qūrylyp, zamanaui tehnologiialyq alaŋda taldyqorǧandyqtar men qala qonaqtary öŋırde jüzege asyrylyp jatqan sifrlyq jobalarmen, jaŋa şeşımdermen tanysty. Keluşılerdı merekemen jasandy intellekt arqyly adammen naqty uaqyt rejimınde bailanys ornata alatyn zamanaui gumanoid robot qūttyqtady. Sonymen qatar robot Qara jorǧa biın bilep, tamaşalauşylarǧa erekşe köŋıl küi syilady. Taǧy bır jaŋaşyldyqty atap ötsek, osy künı dron arqyly bauyrsaq jetkızıldı.
Taldyqorǧan qalasynda «Jastar» saiabaǧy maŋynda «Nauryz auyly» atty ūlttyq naqyştaǧy kiız üiler qalaşyǧy boi köterdı. «Qoş keldıŋ, qūtty Nauryzym» atty merekelık şaraǧa Jetısu oblysynyŋ äkımı Beibıt İsabaev qatysty.
Ärbır kiız üidıŋ janynda qazaq halqynyŋ salt-dästürı men mädenietın därıpteitın şaǧyn sahnalyq körınıster ūiymdastyryldy. Tūrǧyndar än aityp, bi bilep, ūlttyq kiımderın körsetıp, türlı oiyndar men saiystarǧa qatysty. Sonymen qatar altybaqan qūryldy qonaqtarǧa Nauryz köje men bauyrsaq ūsynyldy.
«Mädeniet», «Bılım jäne ǧylym», «İnnovasiia» kiız üilerınıŋ basyn bosqan «Ata Zaŋ auylyn» köpşılık qyzyǧa tamaşalady.
«İnnovasiia» kiız üiınde keluşılerdı zamanaui gumanoid robot qarsy alyp, Nauryz meiramy merekesımen qūttyqtady. Robot sözdı ūǧu, keŋıstıkte baǧdarlanu, tepe-teŋdık saqtau, qozǧalysty üilestıru, qorşaǧan ortaǧa beiımdelu mümkındıkterın körsettı. Ol jasandy intellekt tehnologiialary arqyly adamdarmen erkın bailanys ornatty. Oǧan qosa robottalǧan şeşımder, sol qatarda robot-it te tanystyryldy. Būl qūrylǧy patruldeu, nysandardy tekseru, adamdardy süiemeldeu siiaqty mındetterdı atqara alady jäne adam üşın qiyn nemese qauıptı jaǧdailarda tiımdı jūmys ısteuge beiımdelgen.
3D LED-ekranda ūsynylǧan vizualdy kontent zamanaui sifrlyq tehnologiialardyŋ qauıpsızdık, kölık, memlekettık qyzmetter men bailanys salalaryndaǧy kündelıktı ömırdı qalai jeŋıldetetının aiqyn körsettı.
Alaŋ qonaqtaryna Starlink sputniktık internetınıŋ mümkındıkterı tanystyrylyp, internet jyldamdyǧy men tūraqtylyǧy körsetıldı. Tanystyrylym soŋynda dronnyŋ kömegımen bauyrsaq jetkızu körınısı ūsynyldy.
Sifrlyq kiız üidıŋ janynda balalar tehnologiiany erte jastan meŋgeretın robototehnikaǧa arnalǧan zamanaui auyl beinesındegı interaktivtı alaŋ ūiymdastyryldy.
«Bılım men ǧylym» kiız üiınde keluşılerge tanymdyq ärı interaktivtı täjıribe körsetıldı. Atap aitqanda, mūnda aqparattyq kioskıler, sifrlyq sifrovoi 3D printer men robot-sportşylar tanystyryldy. Sondai-aq adam men robot-şahmatşy arasyndaǧy şahmat oiyny da köpşılıktıŋ qyzyǧuşylyǧyn tuǧyzdy.
«Mädeniet» kiız üiınde Körkemsuret galereiasy qoryndaǧy ūlttyq naqyştaǧy suretter qoiylyp, bül kartinalar QR-kod arqyly Jİ kömegımen jandandyrylyp, qozǧalysqa keltırıldı. Sol siiaqty biyl mereitoilary atap ötıletın tarihi tūlǧalardyŋ ömırı men qyzmetı turaly rolik körsetıldı.
Sonymen bırge Ybyrai Altynsarinnıŋ 185, Jambyl Jabaevtyŋ 180, Barlyq Syrttanovtyŋ 160. Nūrmolda Aldabergenovtıŋ 120, Däneş Raqyşev pen Äbıken Sarybaevtyŋ 100 jyldyqtaryna t.b. tarihi tūlǧalarǧa arnalǧan kiız üiler qūryldy.
Oquşylar saraiynyŋ tärbielenuşı önerlı balalary merekelık konsert ūsyndy. Sondai-aq balalardyŋ qolynan şyqqan türlı būiymdar körmege qoiyldy.
Saiabaq maŋyndaǧy sport alaŋdarynda ūlttyq sport türlerınen jarystar öttı. Sonymen qatar Taldyqorǧan qalasynda paluandar «Taldyqorǧan barysy» finaldyq saiysynda qazaq küresınen baq synasty.
Sol siiaqty «Visit Zhetysu» turistık aqparattyq ortalyǧy ūiymdastyrǧan körmede öŋırdıŋ turistık mümkındıkterı men damu perspektivalary tanystyryldy. Is-şara öŋırdıŋ şyǧarmaşylyq ūjymdary qatysqan Nauryz meiramynyŋ mänı men maŋyzyn aşatyn teatrlandyrylǧan qoiylymmen jalǧasyn tapty.
Saltanatty şarada Jetısu oblysynyŋ äkımı Beibıt İsabaev tūrǧyndardy merekemen qūttyqtady:
- Nauryz – jaŋarudyŋ alǧyşarty, jaŋǧyrudyŋ basy, bırlık pen kelısımnıŋ jarşysy. Nūryn şaşqan Nauryzben bırge qaiyrymdylyq, janaşyrlyq, tıleulestık, qorşaǧan ortaǧa jäne adamdardyŋ bır-bırıne degen qamqorlyǧy siiaqty barşa asyl qasietter eselene tüsedı. Ülkenge qūrmet, kışıge ızet, qoǧamǧa eŋbek, elge qyzmet etudıŋ ülgısı paş etıledı. Mūndai igı şaralar Nauryzda ǧana emes, jyl boiy üzdıksız jalǧasatyn qasterlı qūndylyqtarymyzǧa ainaluy tiıs. Äz-Nauryz är şaŋyraqqa quanyş pen şattyq, yrys pen baq äkelsın, - dedı öŋır basşysy.
Merekelık şara «Nauryz şaşuy» atty konsertpen qorytyndylandy.
Nauryzǧa Tekelı qalasynan kelgen bürkıtşı Jasūlan Bürkıtbai öz pıkırın bıldırdı:
– Menıŋ äkem Faizulla Bürkıtbai qazaq halqynyŋ eŋ köne önerlerınıŋ bırı – qūsbegılıkpen ainalysady. Būl – tabiǧatqa degen tereŋ qūrmettı, meiırımdılıktı, tözımdılık pen şeberlıktı talap etetın bıregei dästür. Äkemız – bızge barlyq jaǧynan ūstaz. Nemerelerı de onyŋ ısın jalǧastyryp keledı. Ötken jyldyŋ küzınde «Qyran» respublikalyq baiqauynda bızdıŋ bürkıtter bas jüldenı jeŋıp aldy. Bügın bız ekı bürkıt pen bır qarşyǧamyzdy Nauryz merekesıne orai ūiymdastyrylǧan körmege alyp keldık. Özım qūsbegılıkten oblysta jattyqtyruşymyn, jas ūrpaqtyŋ boiyna ūlttyq sport türlerıne degen süiıspenşılık pen qyzyǧuşylyqty darytuǧa tyrysamyn. Bürkıttı qolǧa üiretu oŋai emes, ol – ruhy myqty qūs, sondyqtan ony küşpen baǧyndyru mümkın emes. Būl jerde sabyr kerek, tözım kerek. Men jastardy osyǧan üiretuge tyrysamyn, – dedı ol.
Jergılıktı tūrǧyn Andrei Chuhan da oi qosty:
– Nauryz – būl bızdıŋ jalpyūlttyq merekemız. Jyl saiyn osy meiramǧa arnalǧan ıs-şaralarǧa qalmai, ünemı qatysamyn. Öitkenı būl mereke köktemnıŋ kelgenın bıldıredı, tabiǧat oianyp, kün ūzaryp, jylylyq molaiady. Bızdıŋ tatulyǧymyzdy, beibıtşılıgımız ben bırlıgımızdı paş etedı, būl – bızdıŋ ortaq bailyǧymyz. Bız jyl saiyn köktemdı bırge, tatu-tättı, köŋıldı qarsy alamyz, elımızdıŋ mädeni mūrasy men dästürlerın körıp bılıp, tani tüsemız. Barşaŋyzǧa zor densaulyq, üilerıŋızge molşylyq tıleimın, – dedı ol.
Jalpy mereke keşkılık baǧdarlamamen jalǧasyp, konsert pen otşaşu bolady dep josparlanǧan.
Atap ötsek, Jetısu oblysynda Nauryz merekesı aiasynda 1330-dan astam türlı ıs-şara men aksiialar ūiymdastyryldy.
