Astana qalasy äkımdıgınıŋ muzykalyq jas körermen teatrynyŋ beldı aktrisalarynyŋ bırı, Düisen Maqpaldy körermen qauym jaqsy tanidy. Ärdaiym eŋbekqorlyqty, talmai ızdenıstı jaqsy köretın Maqpal zamandasymyz halyq jüregınen jol taba bıldı. Öz basym Maqpaldy sonau qyzyqty sätterge toly, studenttık şaqtan tanimyn.
Barlyǧymyz 2016 jyly qazırgı K.Baiseitova atyndaǧy Qazaq Ūlttyq Öner Universitetıne oquǧa tüsıp, bır-bırımızben tanys boldyq. Ol kezderı öner ordamyzda körnektı teatr synşysy, QR eŋbek sıŋırgen qairatkerı, professor, Äşırbek Törebaiūly Syǧai ata ūstazymyz negızın qalap ketken «Es-aimaq» mädeni-tanymdyq bırlestıgı qarqyndy türde ūiymdastyrylatyn. Jaŋa oqu jylynyŋ alǧaşqy «Es-aimaǧynyŋ» qūrmettı qonaǧy bolyp, aqyn Qalqaman Sarin keletın boldy. Bızdıŋ bölmege joǧary kurs oqityn, Künai esımdı qyz, qolyŋa gitarasyn asynǧan Maqpaldy erte keldı. Ondaǧy oiy ūiymdastyruşylarǧa Maqpaldyŋ dauysyn tyŋdatyp, atalmyş şaraǧa qatystyru. Maqpal gitaramen aqyn sözıne jazylǧan Medet Salyqovtyŋ «Jıbek sezım» äuenın oryndady. Maqpaldyŋ dauysyn estıp, barşamyz täntı boldyq. Qalqaman Sarinmen kezdesude Maqpaldyŋ dauysy küllı zaldy eltıttı, tyŋdarmannyŋ jüregıne jol tapty. QR eŋbek sıŋırgen qairatkerı, jaŋaşyl rejisser, ūlaǧatty ūstaz Ashat Maksimūly Maemirov-Maqpaldyŋ önerdegı äkesı desek, artyq aitqandyq emes. Öitkenı, Maqpaldyŋ ülken sahnaǧa jol tauyp, belesterge qol jetkızuge önerdegı äkesınıŋ eŋbegı zor.
Ūstazdyŋ taǧylymdy tälımı, baǧyt-baǧdary şäkırt Maqpal üşın ülken azyq boldy. Maqpaldyŋ teatr sahnasynda eŋ alǧaş tūsauyn kesken de, Ashat Maksimūly bolatyn. 2017 jyly «Astana Musical» teatrynda J.Presgiuvniktıŋ «Romeo-Djuletta» miuziklı sahnalanyp, Djuletta beinesı Maqpaldyŋ debiuttık beinesı boldy.
«Astana-mahabbatym menıŋ» miuziklı körermenge jol tartty.
Atalǧan qoiylymda Maqpal basty keiıpker Janardy nūsqalady. Talantty akter Salamat Mūqaşev ekeuı üilesımdı tandem jasap, teatr älemındegı erekşe spektaklderdıŋ bırı boldy. Maqpal Astana qalasy äkımdıgınıŋ muzykalyq jas körermen teatrynyŋ negızın saluşylardyŋ bırı. Mūndaǧy «Abai-Toǧjan» dramasyndaǧy Kerımbala, «Qyz Jıbek» etno-folklorlyq miuziklınde Qyz Jıbek, “Qoştasqym kelmeidı” dramasyndaǧy Kozlova jäne taǧy da basqa keiıpkerlermen tolyǧyp jür. Kerımbala-Toǧjannyŋ jeŋgesı. Abai men Toǧjannyŋ qosyluyna tıleules jannyŋ bırı. Maqpal-oinaqy köz, quaqy söz arqyly Kerımbala beinesıne jan bıtırıp, türlendıredı. Toǧjan-näzık, ūiaŋ, ūialşaq bolsa, Kerımbala būǧan qarama-qarsy obraz. Pysyq, alǧyr, sözge şeşen Kerımbala-Maqpal qoiylymdaǧy bırıktuşı keiıpker. Muzykalyq jas körermender teatrynda Ǧ.Müsırepov pen E.Brusulovskiidıŋ «Qyz Jıbek» etno-folklorlyq miuziklınde Qyz Jıbektı är aktrisa är türlı beineleidı. Al Maqpaldyŋ «Qyz Jıbegı»-ekı eldıŋ bırlıgın oilaǧan, tatulyqty oilaǧan jan retınde körınedı. Maqpal oiynynda tek qana näzıktık ǧana emes, beibıtşılıktı, kelısımdı qalaǧan qazaq qyzy jatyr. Maqpaldyŋ sahnadaǧy keiıpkerlerı bır-bırıne ūqsamaidy. Ärdaiym daralanyp tūrady. Būl aktrisa üşın qajettılıktterdıŋ bırı. Maqpal osyny tereŋ ūǧyna alǧan.
A.Volodinnıŋ «Qoştasqym kelmeidı» dramasy qazırgı kezdegı özektı mäselelerdıŋ bırı şaŋyraqtyŋ şaiqaluyn qozǧaidy. Aktualdy qoiylymda Maqpal «Kozlova» beinesın jasaidy. Kozlova-öner men ömır sahnasyn şatastyryp jürgen äiel. Küieuın ūǧynǧysy, tüsıngısı kelmeidı. Otbasynan ne bolyp jatqanyn beihabar. Maqpal-Kozlova arqyly qoǧamdaǧy özın joǧaltqan kelınşektıŋ bolmysyn aiqyndaidy. Maqpal-är rölı arqyly jaŋa ömır sürıp, körermenge erekşe äser syilaityn aktrisa. Maqpal-şekara asyp, özınıŋ ata jūrtyna kelıp, ömır men öner salasynda öz baqytyn tapty. Örlei ber, zamanas, asularyŋ azaimasyn!
Bahtiiar Tūrsyn
Teatrtanuşy
