Elımızde psihologtardyŋ qyzmetın retteitın derbes zaŋ paida bolady. Būl turaly Mäjılıstıŋ baspasöz qyzmetı jazdy, dep habarlaidy «Adyrna» tılşısı.
Bügın, 8 säuırde deputattar «Psihologiialyq qyzmet turaly» zaŋ jobasyn bırınşı oqylymda maqūldady. Qūjat saladaǧy qūqyqtyq bazany qalyptastyruǧa jäne psihologiialyq kömektıŋ qoljetımdılıgı, sapasy men qauıpsızdıgın qamtamasyz etuge baǧyttalǧan.
Zaŋ jobasy aiasynda saladaǧy negızgı ūǧymdar aiqyndalady. Atap aitqanda, «psiholog», «psihologiialyq qyzmet», «aqparattandyrylǧan kelısım», «psihologiialyq kömektıŋ sapasy», «käsıbi qūpiialylyq» siiaqty tüsınıkter engızıledı. Būl rette qūjattyŋ qoldanys aiasy medisinalyq qyzmetke taralmaityny naqty körsetılgen.
Zaŋ jobasynyŋ negızgı maqsaty – halyqtyŋ ömır süru sapasy men psihologiialyq jaǧdaiyn jaqsartu. Sondai-aq zaŋdylyq, erıktılık, qūpiialylyq, käsıbi qūzyrettılık, ǧylymi negızdılık jäne ziian keltıruge jol bermeu qaǧidattary belgılengen.
Maqūldanǧan zaŋ jobasynda psihologtardyŋ bılımıne, qaita daiarlauǧa jäne bılıktılıgın rastauǧa qoiylatyn talaptar belgılenedı. Olar mındettı türde memlekettık tızılımge engızıluı tiıs. Sondai-aq käsıbi daiarlyq pen qaita daiarlau talaptary jüielenıp, kemınde bes jylda bır ret bılıktılıktı arttyru mındetı qarastyrylǧan.
Zaŋ jobasynda psihologtardyŋ qūzyretterı men qyzmet mazmūnyna qoiylatyn talaptardy aiqyndaityn käsıbi standartqa qatysty normalar engızılgen.
Būdan bölek, zaŋ jobasynda psihologtardyŋ qūqyqtary men mındetterı bekıtıledı. Olardyŋ qatarynda etikalyq normalardy saqtau, aqparattandyrylǧan kelısım alu, qūpiialylyqty qamtamasyz etu, käsıbi qūpiiany saqtau jäne klienttıŋ kelısımınsız aqparatty üşınşı tūlǧalarǧa bermeu talaptary bar.
Qūjatta psihologiialyq kömek aluşylardyŋ qūqyqtary da aiqyndalǧan. Atap aitqanda, mamandy taŋdau, tolyq aqparat alu, kömekten bas tartu, öz qūqyqtaryn qorǧau jäne şeşım qabyldauǧa qatysu mümkındıgı qarastyrylǧan.
Sonymen qatar medisinalyq qyzmettı jüzege asyruǧa jäne därılık em taǧaiyndauǧa tyiym salynady. Būdan bölek, psihologiialyq qyzmet turaly jalǧan aqparat taratuǧa jäne qyzmet nätijesıne kepıldık berıletının mälımdeuge jol berılmeidı.
