Memleket basşysy bırqatar jas ǧalymǧa päter kıltterın tabystap, ǧylymdy damytu memlekettık saiasattyŋ negızgı basymdyqtarynyŋ bırı bolyp qala beretının atap öttı. Baspana beru turaly şeşım zertteuşılerdı äleumettık qoldauǧa ǧana emes, eldegı tūraqty ǧylymi ekojüienı qalyptastyruǧa baǧyttalǧan jüielı şaralardyŋ bır bölıgı boldy.
Päter alǧandardyŋ qatarynda Qazaqstannyŋ qoldanbaly jäne ırgelı äleuetın qalyptastyryp jürgen ärtürlı ǧylym salalarynyŋ ökılderı bar.
31 jastaǧy Älışer Mütälı Iаdrolyq fizika institutynda jūmys ısteitın fizik. Ol iadrolyq energetikaǧa arnalǧan materialdardyŋ radiasiialyq tözımdılıgın zertteuge mamandanǧan.
7 jyldan astam ǧylymi täjıribesı bar, halyqaralyq jurnaldarda 20-dan astam maqalasy jariialanyp, 20 ǧylymi konferensiiada baiandama jasaǧan. Ol halyqaralyq granttardyŋ iegerı jäne beiındı ǧylymi forumdardyŋ laureaty. Onyŋ zertteulerı bolaşaq energetikasy üşın maŋyzdy bolyp tabylatyn radiasiialyq äserlerdı modeldeuge baǧyttalǧan.
Aqmaral Beisembaeva gumanitarlyq ǧylym salasynyŋ ökılı. 8 jyldyq ǧylymi qyzmetınde 60-tan astam jariialanymnyŋ, sonyŋ ışınde halyqaralyq basylymdardaǧy eŋbekterdıŋ avtory atandy. Ol Qazaqstan tarihy boiynşa ırgelı akademiialyq eŋbekterdı daiyndauǧa qatysady, arhiv derekterın jäne saiasi quǧyn-sürgın taqyrybyn zertteidı.
İndira Müsılımova himiia salasyndaǧy qoldanbaly baǧytty ūsynady. Onyŋ zertteulerı sudy tazartu jäne kürdelı qospalardy bölude qoldanylatyn membranalyq tehnologiialardy damytumen bailanysty.
İndira innovasiialyq materialdar jasau jobalarynyŋ ǧylymi jetekşısı.
«Quanyşymda şek joq. Jaŋa päter aldyq. Jas ǧalymdarymyzǧa osyndai qoldau körsetılıp jatqanyna öte rizamyz. Prezidentımızge alǧys aitamyz», - dedı ol.
Medet Töleubaev medisina salasynda 16 jyldyq täjıribesı bar ǧalym, ǧylym men praktikany qatar alyp jür. Onyŋ zertteulerı klinikalyq medisina mäselelerıne, sonyŋ ışınde diabettık taban asqynularyna arnalǧan. Ol käsıbi marapattardyŋ iegerı jäne medisinalyq bılım beru jüiesınde ǧylymi baǧytty damytyp keledı.
Rahiia Elnazarqyzy agrarlyq ǧylym salasynda ösımdık şaruaşylyǧynyŋ zamanaui tehnologiialaryn engızumen ainalysady. Onyŋ qazırgı jobasy auyl şaruaşylyǧy daqyldarynyŋ önımdılıgın arttyruǧa baǧyttalǧan, būl eldıŋ azyq-tülık qauıpsızdıgımen tıkelei bailanysty.
«Ǧylym salasynda jürgenıme 12 jyl boldy. Būl men üşın ülken märtebe. Eŋ aldymen Memleket basşysy Qasym-Jomart Kemelūlyna alǧys aitqym keledı», - dedı Rahiia Elnazarqyzy.
Sondai-aq, elordada jeke baspanaly bolǧan jas ǧalymdardyŋ bırı Elmira Bazylhanova. Ol Ǧylym qyzmetkerlerı künı qarsaŋynda mūndai ülken syilyqty kütpegenın aitty.
«Elımız Jaŋa Konstitusiiany qabyldaǧan osynau tarihi kezeŋde Prezidenttıŋ qolynan jaŋa päter kıltın aldyq. Mūndai ülken syilyq alamyz dep oilamadyq. Aqordada kılttı alǧanda qatty quandyq. Qazır jaŋa päterımızdı körıp, tolqyp tūrmyz. Şeksız rizamyz» - dedı ol.
Osylaişa, baspana alǧandardyŋ qatarynda el üşın maŋyzdy salalar - energetika, tarih, ekologiia, medisina jäne auyl şaruaşylyǧynda eŋbek etıp jürgen ǧalymdar bar. Olardyŋ ǧylymi baǧyttary memlekettık saiasattyŋ basymdyqtaryn körsetedı.
Eske sala keteiık, ötken jyly 271 jas ǧalym baspanaly boldy. 2025 jyly ǧylymi syilyqtar taǧaiyndalyp, halyqaralyq taǧylymdamalarǧa ondaǧan stipendiia men granttar bölındı.
Sondai-aq, ǧylymi därejeler üşın qosymşa aqylar engızılıp, zertteulerge investisiia salatyn biznes üşın salyqtyq yntalandyru şaralary qabyldandy.
