Batys Qazaqstan oblysy Qaztalov audanyndaǧy Saryözen özenınen aqbökenderdıŋ ölekselerı tabyldy. Būl “Jetınşı” telearnaǧa jariialady, dep habarlaidy “Adyrna”.
Mamandardyŋ aituynşa, qysqy köşı-qonnan keiın älsıregen aqbökenderdıŋ qyryluy tabiǧi qūbylys.
Qazır mamandar januarlardyŋ ölekselerın jinap, joiu jūmystaryn jürgızıp jatyr. Äzırge 1600-den astam ölekse anyqtalǧan. Mūndai jaǧdai köktem mezgılı kelgen saiyn jyl saiyn baiqalady. Keibır jyldary olardyŋ sany 5 myŋnan da asyp ketken.
"Januarlardyŋ naqty neden qyrylǧany jäne olardyŋ adamdarǧa qauıp töndıre me, joq pa qazır anyqtalyp jatyr. Tiıstı synamalar alynyp, veterinariialyq zerthanaǧa jıberıldı. Jalpy, ötken jyldyŋ qorytyndysy boiynşa, Oral populiasiiasyndaǧy aqbökenderdıŋ sany 2 million 300 myŋǧa jetken. Jaqyn arada olardyŋ naqty sany belgılı bolady. Kelesı aptada öŋırde januarlardy esepke alu josparlanǧan", – delıngen habarlamada.
Eske salsaq, 2025 jyly ükımet qaulysymen aqbökenderdıŋ sanyn retteu jūmystary jürgızılgen.
Januarlar düniesı aumaqtyq inspeksiiasy basşysynyŋ orynbasary Qairat Kädeşevtyŋ aituynşa, aqbökenderdıŋ sanyn retteu nätijesınde tabiǧi ortadan 108 myŋnan astam januar alynǧan.
