Bügın, 15 säuır – memleket qairatkerı, küişı Ǧabdol-Häkım Bökeihanovtyŋ tuǧan künı, dep habarlaidy «Adyrna» tılşısı.
Körnektı tūlǧa 1896 jyly Bökei ordasynyŋ Şoŋai auylynda düniege kelgen. Ol – Bökei hannyŋ ūrpaǧy, Alaş kösemı Älihan Bökeihannyŋ ınısı. Ǧabdol-Häkım Nūrmūhamedūly Bökei ordasyndaǧy Jäŋgır han aşqan mekteptı, Oral äskeri uchilişesın, Mäskeudegı auyl şaruaşylyǧy akademiiasyn bıtırgen.
1918 jyly Bökei ordasy atqaru komitetı töraǧasynyŋ orynbasary qyzmetın atqaryp, 1-şı qazaq atty äskeri polkın qūruǧa tıkelei qatysqan. 1919 jyly Qazaq revoliusiialyq komitetınıŋ müşesı retınde Keŋes ökımetı jaǧyna tartu maqsatynda Alaşorda jetekşılerımen kelıssöz jürgızdı. Qazaq revoliusiialyq komitetınıŋ ūlttyq kadrlardy ırıktep, qyzmetke taǧaiyndau komissiiasynyŋ müşesı bola jürıp, köptegen Alaş qozǧalysy qairatkerlerın Ortalyq atqaru komitetı men Halyq keŋesı komitetındegı jauapty qyzmetterge taǧaiyndauǧa kömegın tigızgen. Bükılodaqtyq atqaru komitetınde Qazaq revoliusiialyq komitetınıŋ ökılı bolǧan. Ol quǧyn-sürgınge ūşyrap, 1938 jyly atu jazasyna kesılgen. 1957 jyly aqtaldy.
Bökeihanov dästürlı halyq mädenietınıŋ qamqorşysy boldy. A.Zataevichke qazaqtyŋ «Şalqyma», « Qos alqa», «Mergen», «Soqyr Esjan» küilerın, «Ekı jiren», «Atyrau», «Qaraşaş», taǧy basqa jalpy sany 27 änın jazdyryp, Däuletkerei, Salauatkerei jäne özı tärbiesın körgen Älıkei, Makar syndy halyq kompozitorlary turaly qūndy derekter bergen.
