Bügınde Halyqaralyq Türkı akademiiasy jüzege asyryp jatqan eŋ maŋyzdy jobalardyŋ bırı – ortaq türkı tarihyn akademiialyq tūrǧyda jazu jobasy.
Report agenttıgınıŋ Türkiiadaǧy biurosynyŋ habarlauynşa, būl turaly Halyqaralyq Türkı akademiiasynyŋ prezidentı Şahin Mustafaev Antaliia diplomatiialyq forumynyŋ V otyrysy aiasynda ötken «Tıl men bıregeilık ǧasyry: Baku türkıtanu sezınen türkı integrasiiasyna deiın» atty paneldık sessiiada mälımdedı.
Onyŋ aituynşa, būl mäsele alǧaş ret Bırınşı türkıtanu sezı aiasynda köterılgen.
«Sol sezde eŋ köp talqylanǧan mäselelerdıŋ bırı – türkı tılderındegı terminologiiany qalyptastyru boldy. Būl baǧytta Türkı akademiiasynyŋ auqymdy jobalary bar. Ärtürlı salalar boiynşa terminologiialyq sözdıkter äzırlenıp, jaryq körıp jatyr. Būl sözdıkter toǧyz türkı tılın, sondai-aq aǧylşyn jäne orys tılderındegı terminderdı qamtidy. Daiyndalǧan terminologiialyq sözdıkter bolaşaqta ortaq türkı terminologiiasyn qalyptastyru men damytuǧa eleulı üles qosatyn maŋyzdy ǧylymi baza bolyp tabylady», – dedı Ş. Mustafaev.
Sondai-aq, ol akademiia türkı älemınıŋ arheologiialyq jäne säulet eskertkışterınıŋ keŋ kölemdı tızımın jasap, ony üş tomdyq jinaq retınde ūsynǧanyn aitty.
«Jalpy, bügınde türkıtanu salasynda jüzege asyrylyp jatqan köptegen bastamalar däl osy Bırınşı türkıtanu sezı barysynda talqylanyp, qalyptasqan ideialarǧa negızdelgen. Osy tūrǧydan alǧanda, ol sezd türkı älemınıŋ ziiatkerlık, mädeni jäne tarihi damuyna airyqşa maŋyzdy röl atqardy», – dep atap öttı Şahin Mustafaev.
