Resei 1 mamyrdan bastap Dostyq mūnai qūbyry arqyly Qazaqstan mūnaiyn Germaniiaǧa jetkızudı toqtatudy josparlap otyr, dep habarlaidy "Adyrna" ūlttyq portaly Reuters-ke sıltep.
Agenttık mälımetınşe, reseilık tarap tranzit kestesın özgertıp, ony Qazaqstan men Germaniianyŋ profildık vedomstvolaryna joldaǧan. Alaida Resei Federasiiasynyŋ energetika ministrlıgı būl aqparatqa qatysty resmi tüsınıkteme bermegen.
Al Kremldıŋ baspasöz hatşysy Dmitrii Peskov mūndai jospardan beihabar ekenın aityp, aqparatty tekseruge uäde bergen.
Būǧan deiın «Dostyq» qūbyry arqyly Germaniiaǧa, äsırese Şvedt qalasyndaǧy ırı mūnai öŋdeu zauytyna şikızat tūraqty jetkızılıp kelgen. Ukrainadaǧy soǧystan keiın Resei men Germaniia arasyndaǧy qarym-qatynas naşarlap, atalǧan zauytty basqaru nemıs bilıgınıŋ qolyna ötken.
Soǧan qaramastan, qūbyr arqyly Qazaqstan mūnaiy Europaǧa jetkızılıp otyr. 2025 jyly Qazaqstan Germaniiaǧa osy baǧyt arqyly 2,1 mln tonnadan astam mūnai eksporttaǧan. Būl täulıgıne şamamen 43 myŋ barreldı qūraidy jäne 2024 jylmen salystyrǧanda 44%-ǧa joǧary.
QazTransOil mälımetınşe, 2026 jyldyŋ alǧaşqy toqsanynda Germaniiaǧa jetkızılgen qazaqstandyq mūnai kölemı 730 myŋ tonnaǧa jetıp, ötken jylmen salystyrǧanda 353 myŋ tonnaǧa artqan.
Sarapşylardyŋ pıkırınşe, tranzittıŋ yqtimal toqtauy Qazaqstan mūnaiyn Europaǧa jetkızudegı negızgı baǧyttardyŋ bırıne äser etuı mümkın.
