Atom energiiasy jönındegı agenttık töraǧasynyŋ orynbasary Äset Mahambetov Qazaqstanda AES qūrylysy turaly aqparattyŋ bır bölıgı nege qūpiia boluy mümkın ekenın tüsındırdı, dep habarlaidy «Adyrna» tılşısı QazAqparatqa sılteme jasap.
Aituynşa, būl bolaşaq AES-ke arnalǧan jabdyq jetkızuşılerıne qatysty tehnikalyq jäne kommersiialyq aqparat boluy mümkın.
«AES qūrylysy kezınde türlı jabdyq qoldanyluy yqtimal. Jabdyq jetkızuşılerı olardyŋ qūny turaly mälımetterdıŋ bäsekelesterıne nemese üşınşı tarapqa jariia bolǧanyn qalamauy mümkın. Sondyqtan mūndai aqparat qūpiia sanatqa enuı yqtimal»,-dedı Mahambetov Mäjılıs kuluarynda.
Ol äzırge barlyq sebeptı tolyq aita almaitynyn, tek aqparatqa qoljetımdılık şekteluı mümkın jaǧdailardyŋ bırın mysal retınde keltırgenın atap öttı.
Būǧan deiın Qazaqstandaǧy alǧaşqy atom elektr stansiiasynyŋ qūrylysyna qatysty aqparattyŋ bır bölıgıne qoljetımdılık şekteluı mümkın ekenı habarlanǧan bolatyn.
Sondai-aq Atom energiiasy agenttıgı būl mäselede barynşa aşyqtyq ūstanymyn saqtaitynyn mälımdedı.
«AES qūrylysyna qatysty yntymaqtastyqtyŋ negızgı şarttary aşyq derekközderde jariialanady. Alaida jobanyŋ tehnologiialyq erekşelıkterı men auqymyn, sondai-aq halyqaralyq täjıribenı eskere otyryp, keibır mäseleler qūpiiany jariia etpeu turaly kelısımdermen retteledı. Sol sebeptı belgılı bır aqparattyŋ taraluy şekteluı mümkın»,- dep tüsındırdı vedomstvo.
