19-20 mamyr künderı Astanada «Altyn Orda – dala örkenietınıŋ modelı: tarih, arheologiia, mädeniet jäne bıregeilık» atty halyqaralyq simpozium ötedı, dep habarlaidy "Adyrna" ūlttyq portaly.
Is-şaraǧa Europa, Aziia, Soltüstık Amerika jäne Taiau Şyǧystyŋ 20-dan astam elınen şamamen 350 delegat qatysady. Olardyŋ qatarynda ǧalymdar, arheologtar, şyǧystanuşylar, türkıtanuşylar, saiasattanuşylar, muzei qyzmetkerlerı men halyqaralyq ūiym ökılderı bar. Simpozium Altyn Orda mūrasy men onyŋ Ortalyq Euraziia örkenietınıŋ qalyptasuyndaǧy rölıne arnalady. Baǧdarlama aiasynda plenarlyq otyrys jäne on arnaiy ǧylymi seksiia jūmysy ūiymdastyrylady.
Qatysuşylar Altyn Ordanyŋ saiasi tarihyn, arheologiialyq zertteulerdı, mädeni mūrany, tarihi bıregeilık mäselelerın jäne dala örkenietınıŋ aimaq tarihyndaǧy ornyn talqylaidy. Şarany Qazaqstannyŋ ǧylym jäne joǧary bılım ministrlıgı, syrtqy ıster ministrlıgı jäne mädeniet jäne aqparat ministrlıgı bırlesıp ūiymdastyryp otyr.
Sarapşylardyŋ pıkırınşe, mūndai halyqaralyq jiyndar Joşy ūlysy mūrasyn zertteuge jäne Qazaqstannyŋ tarihi diplomatiiasyn damytuǧa mümkındık beredı.
