Maŋǧystauda älemge äigılı akter Djeki Channyŋ qatysuymen tüsırıletın «Qūdaidyŋ sauyttary 4: Ultimatum» halyqaralyq kino jobasynyŋ tüsırılımı bastaldy, dep habarlaidy «Adyrna» tılşısı oblys äkımdıgıne sılteme jasap.
Jobany Sälem Entertainment jäne Dala Edge Creative Tech Park kompaniialary jüzege asyruda.
Qazırgı taŋda tüsırılım toby Maŋǧystaudyŋ bıregei tabiǧi landşafttarynda alǧaşqy kadrlardy taspaǧa tüsırude. Filmnıŋ negızgı tüsırılım alaŋdarynyŋ bırı retınde älemge tanymal Bozjyra şatqaly taŋdalǧan. 7-12 mausym aralyǧynda atalǧan aumaqta 35 adamnan tūratyn tüsırılım toby jūmys jürgızıp, filmnıŋ bırqatar körınısterın tüsırgen.
Maŋǧystau oblysynyŋ äkımı Nūrdäulet Qilybai şyǧarmaşylyq top ökılderımen kezdesıp, halyqaralyq auqymdaǧy kino jobany jüzege asyruǧa jan-jaqty qoldau bıldırdı. Kezdesu barysynda öŋırde kreativtı industriiany damytu, kino jäne televiziialyq jobalardy öndıru, jastarǧa arnalǧan sapaly mediakontent qalyptastyru, sondai-aq Maŋǧystaudyŋ turistık jäne mädeni äleuetın halyqaralyq deŋgeide nasihattau mäselelerı talqylandy.
«Maŋǧystau – kinoindustriia salasyndaǧy auqymdy jobalardy jüzege asyruǧa qolaily öŋır. Bız kreativtı ekonomikany damytuǧa, mädeni mūrany nasihattauǧa jäne öŋırdıŋ turistık tartymdylyǧyn arttyruǧa baǧyttalǧan bastamalarǧa jan-jaqty qoldau körsetuge daiynbyz. Mūndai jobalar Maŋǧystaudy halyqaralyq deŋgeide tanytyp, öŋırdıŋ äleuetın keŋınen körsetuge mümkındık beredı», – dedı ol.
Tüsırılım jūmystary biyl aiaqtalady dep josparlanuda, al filmnıŋ prokatqa şyǧuy 2027 jyldyŋ aqpan aiyna belgılengen.
