Elımızdegı infliasiia ötken jylǧy qyrküiektegı 13 paiyzǧa juyq körsetkışten biyl mamyrda 10,4 paiyzǧa deiın baiaulaǧan. Būl turaly Ūlttyq bank töraǧasy Timur Süleimenov aitty, dep habarlaidy «Adyrna» tılşısı.
«Biyl infliasiiany 9–11% aralyǧynda bolady dep boljaimyz. 5 mausymda bazalyq mölşerlemenı 18%-dan 17%-ǧa deiın tömendettık. Degenmen, infliasiia älı de ekı taŋbaly deŋgeide qalyp otyr, sondyqtan tolyq tūraqtandyru turaly aitu erte. Negızgı täuekelder syrtqy faktorlarmen bailanysty, onyŋ ışınde geosaiasi tūraqsyzdyq pen älemdık azyq-tülık baǧasynyŋ ösuı äser etedı. Işkı täuekelder qatarynda kommunaldyq qyzmetter men janarmai baǧalarynyŋ qaita köterıluı, sondai-aq aqşa bazasynyŋ ūlǧaiuy bar», – dedı ol.
Ūlttyq bank basşysynyŋ sözınşe, infliasiiany tūraqtandyrudaǧy maŋyzdy faktorlardyŋ bırı – fiskaldyq konsolidasiia.
«Ūlttyq qordan transfertterdı 2,8 trln teŋge deŋgeiınde şekteu – dezinfliasiialyq maŋyzdy faktor. Biudjettık konsolidasiiany ıs jüzınde jüzege asyru maŋyzdy. Koordinasiianyŋ taǧy bır baǧyty – ekonomikany qarjylandyru baǧdarlamasyn teŋgerımdı ıske asyru.
Bızdıŋ oiymyzşa, strategiialyq maŋyzy bar jobalardy qarjylandyru qajet. Baǧdarlama şikızattyq emes salalarda qosylǧan qūndy arttyruy tiıs. Işkı naryqta otandyq önım ūsynysynyŋ ösuı infliasiiany tömendetuge oŋ äser etuı kerek. Biylǧy basty maqsat – infliasiiany bır taŋbaly deŋgeige qaitaru», – dedı töraǧa.
Sondai-aq ol 2025 jyly infliasiia el ekonomikasy üşın basty syn-qater bolǧanyn aitty.
«Ükımetpen bırge bız infliasiialyq trendtı özgertıp, baǧa ösımın baiaulatuǧa qol jetkızdık. İnfliasiiany tejeu üşın aqşa-nesie saiasaty şaralarynan bastap makroprudensialdyq qūraldarǧa deiın barlyq tetık qoldanyldy», – dedı Ūlttyq bank basşysy.
Ūlttyq bank töraǧasynyŋ aitqan mäselelerı mamanmen bolǧan sūhbatta keŋırek taldanǧan.
Taqyrypty tarqatu: «İnfliasiianyŋ basty sebebı – importqa täueldılık». Şyǧatyn jol qaisy?
