Şyǧys Qazaqstannyŋ turistık polisiiasy — būl tek qoǧamdyq tärtıptı saqtau ǧana emes, sonymen qatar ölkemızdı demalys orny retınde taŋdaǧan ärbır azamattyŋ jailylyǧyna qamqorlyq jasau. 2024 jyldyŋ mausym aiynan bastap Altai audandyq polisiia bölımınde polisiia qyzmetınıŋ sapasyn arttyru maqsatynda arnaiy top jūmys ısteidı. Qazırgı taŋda bölımşe ştatynda 5 qyzmetker bar, olardyŋ üşeuı Būqtyrma su qoimasynyŋ jaǧalauynda patruldık qyzmet atqaruda.
Jazǧy mausym dästürlı türde myŋdaǧan demaluşylardy tartady: eger ötken jyly öŋırımızde 53 myŋǧa juyq adam demalsa, jyl basynan berı bızdıŋ ölkege şeteldık qonaqtardy qosa eseptegende 4 myŋǧa juyq adam keldı. Poliseilerdıŋ basty mındetı — olardyŋ demalysyn barynşa qauıpsız etu. Olar su aidyndaryndaǧy qauıpsızdıkke jäne jazataiym oqiǧalardyŋ aldyn aluǧa, äsırese jas demaluşylardyŋ qauıpsızdıgıne erekşe nazar audarady.
Qūqyqtyq tärtıptı qamtamasyz etumen qatar, tärtıp saqşylary kömekşı jäne keŋesşı qyzmetın de atqarady. Şeteldık turistermen tiımdı qarym-qatynas ornatu üşın qyzmetkerler aǧylşyn tılındegı negızgı söz tırkesterın meŋgerude. Sälemdesuden bastap, kömek ūsynu, baǧyt-baǧdar beru jäne qauıpsızdık şaralary turaly aqparattandyruǧa deiıngı negızgı tırkesterdı bılu qonaqtarǧa jergılıktı jerde baǧdar aluǧa jäne demalystarynyŋ jaily ötuıne septıgın tigızedı.
Turistık polisiianyŋ jūmysy köbıne közge körıne bermeidı, bıraq däl osy qyzmet myŋdaǧan adamǧa Şyǧys Qazaqstannyŋ sūlulyǧyna tamsanyp, alaŋsyz demaluyna mümkındık beredı. Sızdıŋ demalysyŋyz bastalǧan jerde bızdıŋ qyzmetımız jalǧasady. Turistık polisiia sızdıŋ uaqytyŋyzdyŋ qauıpsız ärı köŋıldı ötuı üşın ärqaşan qasyŋyzda.
