Foto: Valerii Bugaev
Pavlodar ūlttyq sport baǧytyndaǧy eŋ auqymdy ıs-şaranyŋ ortalyǧyna ainaldy. Oblys ortalyǧynda aimaq basşysy Asaiyn Baihanovtyŋ qoldauymen boi kötergen jaŋa ippodromnyŋ saltanatty aşyluy ötıp, klassikalyq jäne ūlttyq at jarystary boiynşa «ERTIS-BAYAN CUP» aşyq respublikalyq turnirı öttı. Auqymdy dodaǧa Qazaqstannyŋ tükpır-tükpırınen, sondai-aq Resei men Qyrǧyzstannan kelgen üzdık şabandozdar men jüirık tūlparlar qatysty.
Jaŋa sport nysany Memleket basşysy Qasym-Jomart Toqaevtyŋ būqaralyq sportty damytu jäne ūlttyq sport türlerın qoldau jönındegı tapsyrmalaryn ıske asyru aiasynda boi köterdı.
Bäigenıŋ saltanatty aşylu räsımıne qatysqan Pavlodar oblysynyŋ äkımı Asaiyn Baihanov jūrtşylyqty qūttyqtap, şabandozdarǧa sättılık tıledı. Qazaqtyŋ aqjoltai dästürıne sai jylqy jalyna bailanǧan taspany şeşıp, jas şabandozǧa qamşy syilady.
Jaŋa ippodrom halyqaralyq talaptarǧa sai jabdyqtalǧan. Mūnda myŋ körermenge arnalǧan ekı tribuna, avtotūraqtar, sauda oryndary, qonaqtarǧa qyzmet körsetu aimaqtary, 20 oryndy atqora jäne jattyǧu alaŋdary qarastyrylǧan. Enı 20 metr, ūzyndyǧy 2000 metrge sozylǧan negızgı jarys joly zamanaui suaru jüiesımen qamtamasyz etılgen. Sonymen qatar 800 metrden 2000 metrge deiıngı qaşyqtyqtaǧy bäigelerge arnalǧan märe alaŋdary men attardy daiyndauǧa arnalǧan arnaiy jattyǧu joly salynǧan. İppodrom aumaǧy abattandyrylyp, kögaldandyrylǧan.
«ERTIS-BAYAN CUP» turnirınde körermender klassikalyq bäige türlerı men ǧasyrlar boiy qazaq halqynyŋ mädenietı men tarihynyŋ ajyramas bölıgı bolyp kele jatqan ūlttyq at jarystarynyŋ tartysty bäsekesıne kuä boldy. Jarys baǧdarlamasyna 1200, 2000 jäne 2400 metr qaşyqtyqtaǧy klassikalyq bäigeler engızıldı. Äsırese, 8 km «Qūnan bäige» men 18 km «Alaman bäige» köpşılıktıŋ erekşe qyzyǧuşylyǧyn tudyrdy. Tartysqa toly jarystarda jüirıkterdıŋ şabysy men şabandozdardyŋ şeberlıgı joǧary deŋgeide körınıs tapty. Sondai-aq pavlodarlyq seleksiiadan şyqqan jylqylar arasynda ötken arnaiy jarysqa da erekşe nazar audaryldy.
Halyqaralyq deŋgeidegı turnirdıŋ jülde qory da qomaqty boldy. Negızgı bäigelerdıŋ jeŋımpazdaryna alty avtokölık tabystalyp, jüldegerler qomaqty aqşalai syiaqylarmen marapattaldy. Sonymen qatar mereke aiasynda absoliuttık salmaq därejesı boiynşa qazaq küresınen beldesuler ötıp, «Tüie paluan» atanǧan sportşyǧa avtokölık syiǧa berıldı.
Ūiymdastyruşylar qonaqtarǧa mazmūndy mädeni-oiyn-sauyq baǧdarlamasyn ūsyndy. Qonaqtar qazaqy tazy itterınıŋ körmesın tamaşalap, bürkıtşılerdıŋ önerın kördı. Älemdık kinoindustriiada keŋınen tanylǧan halyqaralyq «Nomad» kaskaderler toby arnaiy şou ūsynyp, körermenderdıŋ zor yqylasyna bölendı.
Otbasylyq demalys üşın arnaiy aimaqtar ūiymdastyrylyp, balalarǧa arnalǧan oiyn-sauyq baǧdarlamalary ötkızıldı. Sondai-aq baǧaly syilyqtar oinatylǧan lotereia ötkızılıp, qatysuşylar türlı gadjetter, velosipedter jäne tūrmystyq tehnika ūtyp alu mümkındıgıne ie boldy.
Merekelık şaranyŋ körkın qazaqstandyq tanymal «Abyroi» jäne «Joşy» toptarynyŋ konsertı odan ärı qyzdyra tüstı. Būdan bölek, ıs-şara arysynda Gollivudta atoi salyp jürgen qazaqstandyq “Nomad” kaskaderlar tobynyŋ önerıide jūrtşylyqty täntı ettı. Önerpazdardyŋ äserlı änderı men köterıŋkı köŋıl küi syilaǧan baǧdarlamasy Pavlodardaǧy at sporty merekesınıŋ jarqyn qorytyndysyna ainaldy.
