Astanada joǧary oqu oryndarynyŋ bırınıŋ qyzmetkerı talapkerlerdı zaŋsyz jolmen oquǧa tüsıremın dep aldap, 18 azamattan aqşa alǧany üşın 3 jyl 6 aiǧa bas bostandyǧynan aiyryldy, dep habarlaidy "Adyrna" ūlttyq portaly.
Tergeu jäne sot materialdaryna säikes, sottalǧan azamat universitetke qabyldauǧa «kömektesemın» degen jeleumen qylmystyq shema ūiymdastyrǧan. Ol jalǧan mörler men qoldan jasalǧan qūjattardy paidalanyp, talapkerlerdıŋ senımıne kırıp, olardy belgılengen qabyldau räsımınen tys joǧary oqu ornyna oquǧa tüsıre alatynyn aityp sendırgen
Osylaişa 18 talapkerden ärqaisysynan 600 myŋnan 900 myŋ teŋgege deiın aqşa alyp, zaŋsyz iemdengen.
Basty sot talqylauy barysynda memlekettık aiyptauşy sottaluşynyŋ qyzmettık jaǧdaiyn paidalana otyryp bırneşe ret alaiaqtyq jasaǧanyn, sondai-aq jalǧan resmi qūjattar men mörler daiyndap, paidalanǧanyn däleldedı.
Sot ükımımen aiyptaluşy 3 jyl 6 ai merzımge bas bostandyǧynan aiyryldy. Ükım zaŋdy küşıne engen. Sonymen qatar qylmystyq äreketten keltırılgen materialdyq zalal sottalǧan azamattan öndırıldı.
Prokuratura azamattardy saq boluǧa şaqyryp, joǧary oqu oryndaryna tüsu mäselelerı boiynşa tek resmi aqparat közderıne jäne bılım beru ūiymdarynyŋ zaŋdy qabyldau räsımderıne ǧana jügınuge keŋes berdı.
