Bügın, 29 mausymda Senat Töraǧasy Mäulen Äşımbaevtyŋ töraǧalyǧymen Palatanyŋ qorytyndy otyrysy öttı, dep habarlaidy «Adyrna» tılşısı.
Jiynda memleket basşysynyŋ reformalaryn zaŋnamalyq tūrǧydan qamtamasyz etu baǧytynda atqarylǧan jūmystarǧa qorytyndy jasaldy jäne bırqatar maŋyzdy zaŋdar maqūldandy.
Mäulen Äşımbaev biyl Qazaqstan Parlamentınıŋ 30 jyldyǧy atalyp ötıp jatqanyn aita kelıp, osy uaqyt ışınde Parlament ökıldı demokratiianyŋ negızgı institutyna ainalǧanyn jäne el ömırınıŋ barlyq negızgı salasyn qamtityn maŋyzdy zaŋdardy qabyldaǧanyn atap öttı. Sondai-aq ol elımız üşın taǧdyrşeştı kezeŋde Senat deputattary memleket basşysy Qasym-Jomart Toqaevtyŋ senımın joǧary baǧalaitynyn jetkızdı jäne jaŋa Konstitusiiany tolyq ıske asyru men Ädılettı Qazaqstandy qūru jolynda barlyq progressivtı qoǧamdyq-saiasi küşterdıŋ bırıguı asa maŋyzdy ekenıne toqtaldy.
«Senat öz tarihynda 890-nan astam otyrys ötkızıp, 3,5 myŋnan astam zaŋdy qabyldap, maqūldady. Ärbır onynşy zaŋ deputattardyŋ bastamasymen äzırlengen. Būl qūqyqtyq aktıler Qazaqstannyŋ jaŋa saiasi, ekonomikalyq jäne fiskaldyq modelınıŋ negızın qalap, äleumettık saiasattyŋ berık qūqyqtyq bazasyn qalyptastyrdy. Sonymen qatar sot jäne qūqyq qorǧau jüiesın jaŋǧyrtu, azamattardyŋ qūqyqtaryn qorǧau, zaŋ üstemdıgın qamtamasyz etu jäne ūlttyq qauıpsızdıktı nyǧaitu ärdaiym basym baǧyttardyŋ qatarynda boldy. Zaŋ şyǧaru qyzmetımen qatar Palata basqa da baǧyttarda belsendı jūmys jürgızdı. Osy kezeŋde 60-tan astam parlamenttık tyŋdau men 3 myŋnan astam josparly ıs-şara ūiymdastyryldy. Ükımetke qoǧamdaǧy özektı mäseleler boiynşa 3 myŋǧa juyq deputattyq saual joldandy. Osyndai auqymdy jūmystyŋ barlyǧy halyqtyŋ müddesın qorǧauǧa jäne memleketımızdı nyǧaituǧa baǧyttalǧanyn atap ötken jön», – dedı ol.
Esterıŋızge sala keteiık, Qazaqstannyŋ jaŋa Konstitusiiasy 1 şıldede küşıne enedı.
