Atyrau oblysynyŋ mamandandyrylǧan qylmystyq ıster jönındegı sotynda tört adamdy öltıru ısı boiynşa sot prosesı jalǧasuda, dep habarlaidy "Adyrna" tılşısı.
Is boiynşa basty aiyptaluşy 29 jastaǧy Sūltan Särsemälievke qatysty aiyptau aktısı tolyqtyrylyp, oǧan adam öltıru, äleumettık tölemderdı zaŋsyz alu jäne mal ūrlyǧy boiynşa qosymşa aiyptar taǧyldy.
Memlekettık aiyptauşylardyŋ mälımetınşe, Maqsot Qarabalin men Näsıp Öteşqalievany öltıru epizody boiynşa Qazaqstan Respublikasy Qylmystyq kodeksınıŋ 2-bölıgı 13-tarmaǧy («Basqa qylmysty jasyru maqsatynda jasalǧan adam öltıru») qosylǧan.
Al Miramgül Qarabalinany öltıru epizody boiynşa Qylmystyq kodekstıŋ 99-baby 2-bölıgınıŋ 3 jäne 10-tarmaqtary engızıldı. Tergeu nūsqasyna säikes, jäbırlenuşı densaulyǧyna bailanysty därmensız jaǧdaida bolǧan jäne polisiiaǧa jügınbek bolǧany üşın öltırılgen.
Sonymen qatar, Sūltan Särsemälievke qaza tapqan adamdardyŋ atyna eseptelgen äleumettık tölemder men zeinetaqyny zaŋsyz iemdendı degen küdıkpen Qazaqstan Respublikasy Qylmystyq kodeksıtıŋ 2-bölıgı 4-tarmaǧy («Aqparattyq jüie paidalanuşysyn aldau arqyly jasalǧan alaiaqtyq») boiynşa aiyp taǧyldy. Tergeu deregınşe, osy epizod boiynşa keltırılgen şyǧyn kölemı 520 996 teŋgenı qūraidy.
Būǧan deiın alaiaqtyq retınde qaralǧan mal satuǧa qatysty epizod qaita saralanyp, endı Qazaqstan Respublikasy Qylmystyq kodeksı («Mal ūrlyǧy») boiynşa qaralatyn boldy.
Sot otyrysynda aiyptaluşy kınäsın ışınara moiyndaǧan. Onyŋ aituynşa, ol Miramgül Qarabalinany jäne äielınıŋ ata-anasyn qasaqana öltırgen, al Nauryz Mūqanǧalievtıŋ qazasy aldyn ala josparlanbaǧanyn jäne janjal kezınde özın-özı qorǧau maqsatynda äreket etkenın mälımdegen.
Sondai-aq aiyptaluşy qylmystan keiın Qazaqstannan ketıp qalǧanyn, mūny qaryzǧa bailanysty auyr psihologiialyq küizelıs pen şyndyqtan qaşuǧa ūmtylysymen tüsındırgen.
Marqūmdardyŋ tuystary sottan moraldyq jäne materialdyq şyǧyn retınde 70 million teŋge öndırudı talap ettı.
