Memleket basşysy Qasym-Jomart Toqaev Reseidıŋ Omby qalasyna jūmys sapary barysynda maidanger, jazuşy Kemel Toqaevqa arnalǧan eskertkış taqtaǧa gül şoǧyn qoidy, dep habarlaidy "Adyrna" tılşısı.
Aqordanyŋ mälımetınşe, Prezident soǧys ardagerlerıne arnalǧan Omby gospitalı ǧimaratynyŋ qasbetıne ornatylǧan eskertkış taqtaǧa gül şoǧyn qoiyp, Ekınşı düniejüzılık soǧysta qaza tapqan jauyngerlerdıŋ ruhyna taǧzym ettı. Atalǧan medisina mekemesınde 1941 jyldyŋ şılde aiynan bastap maidanda jaralanǧan 150 myŋǧa juyq sarbaz em qabyldaǧan. Olardyŋ qatarynda Memleket basşysynyŋ äkesı, soǧys ardagerı Kemel Toqaev ta bolǧan. Ol 1945 jyldyŋ aqpan-şılde ailary aralyǧynda osy gospitalde emdelgen.
Sapar barysynda Prezident Qasym-Jomart Toqaev Ombydaǧy äskeri gospitaldıŋ qūrylu tarihymen jäne onyŋ qyzmetımen tanysty.
Eske salaiyq, Memleket basşysy Omby qalasyna Qazaqstan–Resei öŋıraralyq yntymaqtastyq forumyna qatysu maqsatynda jūmys saparymen bardy.
