Foto: gov.kz
«Qazaqstan barysy» ataǧyn ekı märte jeŋıp alǧan paluan Aibek Nūǧymarov Aiagöz audanynyŋ äkımı lauazymyna taǧaiyndaldy. Abai oblysynyŋ äkımı Berık Uäli jaŋa basşyny jergılıktı tūrǧyndarǧa tanystyrdy, dep habarlaidy "Adyrna".
39 jastaǧy Nūǧymarov Abai audanyndaǧy Qūndyzdy auylynda düniege kelgen. Semei memlekettık pedagogikalyq institutyn «Dene şynyqtyru» mamandyǧy boiynşa tämamdaǧan. Eŋbek jolyn Semei qalasynda qazaq küresı bölımınde oqytuşy-jattyqtyruşy bolyp bastaǧan. Sport mektepterınde nūsqauşy-ädısker, qazaq küresınen jattyqtyruşy-oqytuşy bolyp eŋbek etken.
Ol qazaq küresınen bırneşe dürkın älem chempiony. 2013 jäne 2019 jyldary «Qazaqstan Barysy»respublikalyq turnirınıŋ jeŋımpazy atandy. Qazaq küresı men sambodan halyqaralyq därejedegı sport şeberı. Köpşılık ony tüie paluan retınde jaqsy tanidy.
Keiıngı jyldary Nūǧymarov äkımşılık qyzmetter atqaryp jür. Sol üşın zaŋger mamandyǧyn meŋgergen. Alty jyl boiy Semei qalasyndaǧy Kölık kolledjınıŋ direktory bolǧan. Aiagöz audany äkımınıŋ orynbasary, audan äkımınıŋ mındetın atqaruşy qyzmetterın atqarǧan. Endı audan äkımı atanyp otyr.
