AQŞ prezidentı İranǧa josparlanǧan şabuyldy uaqytşa keiınge qaldyru turaly şeşım qabyldaǧanyn jazdy, dep habarlaidy “Adyrna” tılşısı.
Būl turaly ol Truth Social äleumettık jelısındegı paraqşasynda jariialady.
VVS deregınşe, prezident AQŞ İranǧa qarsy auqymdy äskeri operasiia jürgızuge daiyn bolǧan. Alaida Tegeran men Taiau Şyǧystaǧy bırqatar memleketterdıŋ ötınışı negızınde jäne kelıssözder jürgızuge mümkındık beru maqsatynda şabuyl uaqytşa toqtatylǧan.
Donald Tramp taraptardyŋ yqtimal kelısımnıŋ negızgı şarttary boiynşa ortaq mämılege kelgenın atap öttı.
«Būl şeşımdı älemdegı beibıtşılık pen tūraqtylyqty saqtau, sondai-aq İrannyŋ beibıt ärı örkendegen bolaşaǧyna mümkındık beru üşın qabyldadym. Eger kelısım jaqyn arada jasalsa, äskeri ıs-qimyldarǧa jügınudıŋ qajetı bolmaidy», – dedı AQŞ prezidentı.
Sonymen qatar Tramp İzraildıŋ mäselenı diplomatiialyq jolmen şeşuge baǧyttalǧan bastamasyn qoldaitynyn jetkızdı.
