Memleket basşysy Qasym-Jomart Toqaev Armeniia Premer-ministrı Nikol Paşinianmen telefon arqyly söilestı, dep habarlaidy "Adyrna".
Qasym-Jomart Toqaev Nikol Paşiniandy Armeniia Premer-ministrı lauazymyna qaita taǧaiyndaluymen qūttyqtap, armian halqynyŋ igılıgı jolyndaǧy memlekettık qyzmetıne tabys tıledı.
Nikol Paşinian jyly lebızge rizaşylyǧyn bıldırıp, Qazaqstan Prezidentı men halqyna Qūryltai sailauyn sättı ötkızuge tılektestıgın jetkızdı.
Prezident pen Premer-ministr qazaq-armian qarym-qatynasy qarqyndy türde damyp kele jatqanyna köŋıl tolatynyn atap ötıp, ekı el arasyndaǧy san qyrly yntymaqtastyqty tereŋdetuge daiyn ekenderın rastady.
Sonymen qatar būǧan deiın, sonyŋ ışınde byltyr qaraşa aiynda Armeniia Ükımetı basşysynyŋ Astanaǧa jasaǧan resmi sapary kezınde qol jetkızılgen uaǧdalastyqtardy ıske asyru barysy talqylandy. Sauda-ekonomikalyq, kölık-logistikalyq jäne mädeni-gumanitarlyq salalardaǧy yqpaldastyqty keŋeituge basa nazar audaryldy.
