Qostanai qalasynyŋ №2 soty aqşa üşın adamdy soqqyǧa jyqqan er adamǧa qatysty ükım şyǧardy, dep habarlaidy "Adyrna" ūlttyq portaly.
Sot ony asa qatygezdıkpen küş qoldanyp, jäbırlenuşıge tän azabyn keltırgenı üşın kınälı dep tanyp, tört jylǧa bas bostandyǧynan aiyrdy.
Sot materialdaryna säikes, sottalǧan azamat Telegram messendjerı arqyly zaŋsyz aqşa tabudyŋ jolyn ızdep, adamdarǧa küş qoldanu jönındegı tapsyrystardy oryndauǧa kelısken.
2026 jyldyŋ nauryz aiynyŋ soŋynda oǧan belgısız adam habarlasyp, K. esımdı azamatty tauyp, ony ūryp-soǧudy tapsyrǧan. Būl jūmysy üşın oǧan 100-200 dollar kölemınde syiaqy uäde etılgen.
Tergeu mälımetınşe, sottalǧan azamat bırneşe adammen aldyn ala kelısıp, jäbırlenuşınıŋ jürgen jerın anyqtaǧan. Keiın olar K. esımdı azamatty qoldarymen jäne aiaqtarymen basynan jäne denesınen bırneşe ret ūrǧan. Tapsyrmany oryndaǧannan keiın sottalǧan azamatqa 100 dollar berılgen.
Sot otyrysynda memlekettık aiyptauşy sottaluşyny tört jylǧa bas bostandyǧynan aiyrudy sūrady. Er adam öz kınäsın tolyq moiyndap, bas bostandyǧynan aiyruǧa bailanysty emes jaza taǧaiyndaudy ötındı.
Jäbırlenuşı sottaluşyǧa materialdyq nemese moraldyq talap-aryzy joq ekenın aityp, oǧan qataŋ jaza qoldanbaudy sūraǧan.
Sot qylmystyq jauapkerşılıktı jeŋıldetetın män-jai retınde sottaluşynyŋ kınäsın moiyndap, jasaǧan ısıne ökıngenın eskerdı. Al qylmystyŋ adamdar tobymen aldyn ala söz bailasu arqyly jasaluy jazany auyrlatatyn män-jai retınde tanyldy.
Qylmystyq kodekstıŋ 110-babynyŋ 2-bölıgı boiynşa mūndai qylmys üşın tört jyldan jetı jylǧa deiın bas bostandyǧynan aiyru jazasy qarastyrylǧan.
Sot ükımımen er adam tört jylǧa bas bostandyǧynan aiyrylyp, jazasyn qauıpsızdıgı ortaşa qylmystyq-atqaru jüiesı mekemesınde öteitın boldy.
Ükım zaŋdy küşıne älı engen joq.
