Qazaqstan azamattarynyŋ derbes derekterı satylymǧa şyǧaryldy degen aqparat qoǧamda alaŋdauşylyq tuǧyzdy, dep habarlaidy “Adyrna” tılşısı.
Osyǧan bailanysty ışkı ıster ministrlıgı atalǧan aqparatty tekserdı.
Polisia.kz mälımetınşe, qazır eGov portalyna zaŋsyz kıru nemese qol jetkızu faktılerı tırkelgen joq.
Sonymen qatar derbes derekterdı satuǧa qatysty habarlandyrudyŋ jariialanǧany nazarǧa alyndy.
Qazır habarlandyrudy ornalastyrǧan adamnyŋ kım ekenı, ūsynylǧan derekterdıŋ qaidan alynǧany jäne olardy zaŋsyz aluǧa nemese taratuǧa qatysy bar tūlǧalardy anyqtau boiynşa qajettı şaralar qabyldanyp jatyr.
Işkı ıster ministrlıgı azamattardyŋ derbes derekterın qorǧau mäselesıne erekşe jauapkerşılıkpen qaraitynyn atap öttı.
Qazaqstan Konstitusiiasynyŋ 21-babynda azamattardy derbes derekterdı zaŋsyz jinaudan, öŋdeuden, saqtaudan jäne paidalanudan qorǧau közdelgen. Būl talaptar sifrlyq tehnologiialardy qoldanu arqyly jasalatyn äreketterge de qatysty.
Būǧan deiın jasandy intellekt jäne sifrlyq damu ministrlıgı 15 million adamnyŋ derekterı tarady degen aqparatqa qatysty tüsınıkteme bergen.
