Bügın, 14 tamyzda Almaty men Almaty oblysynda elektr energiiasyn berude jappai ırkılıster bolyp, jaryq sönıp qaldy. Būl turaly "Alatau Jaryq Kompaniiasy" AQ baspasöz qyzmetı mälımdedı, dep habarlaidy "Adyrea".
"14 tamyzda saǧat 14:38-de KEGOC AQ-ǧa tiesılı kerneuı 500 kV L-5400, L-5300 jäne L-5320 äue elektr beru jelılerınıŋ apat saldarynan ajyratyluyna bailanysty "Alatau Jaryq Kompaniiasy" AQ jelılerınde apatqa qarsy avtomatika ıske qosyldy. Sonyŋ saldarynan Almaty qalasy men Almaty oblysyndaǧy tūtynuşylar elektr energiiasynan ajyratyldy", – delıngen tüsınıktemede.
Apatqa qarsy avtomatikanyŋ ıske qosyluy saldarynan ajyratylǧan jükteme kölemı 300 MVt boldy.
Almaty oblysynda myna audandarda elektr energiiasy öştı:
- Jambyl audany;
- Balqaş audany;
- Esık audany;
- Qarasai audany;
- Şelek audany;
- Raiymbek audany;
- Ūiǧyr audany;
- Ile audany;
- Kegen audany;
- Talǧar audany.
Almaty qalasynda myna audandar elektr energiiasynan ajyratyldy:
- Bostandyq audany;
- Nauryzbai audany;
- Äuezov audany;
- Alatau audany.
Qazırgı uaqytta "Alatau Jaryq Kompaniiasy" AQ mamandary tūtynuşylarǧa elektr energiiasyn berudı qalpyna keltıru boiynşa qajettı jūmystardy jürgızıp jatyr.
