Memleket basşysy Qasym-Jomart Toqaevtyŋ jarlyǧymen Däuren Qosanov Qorǧanys ministrı, al Erjan Sädenov Işkı ıster ministrı lauazymyna qaita taǧaiyndaldy. Būl turaly 3 qyrküiekte Aqordanyŋ baspasöz qyzmetı jazdy, dep habarlaidy «Adyrna» tılşısı.
Tiıstı jarlyqtarǧa prezident qol qoiǧan. Osylaişa Däuren Jūmataiūly qorǧanys vedomstvosyn, al Erjan Saparbekūly ışkı ıster salasyn basqarudy jalǧastyrady.
Däuren Qosanov 1969 jyly 14 qazanda Pavlodar oblysy Krasnokut audany Novotroiskoe auylynda düniege kelgen. Armavir joǧary äskeri aviasiialyq ūşqyştar uchilişesın (1990 j.), Iý.A. Gagarin atyndaǧy Äskeri-äue akademiiasyn (2005 j.) jäne Resei Federasiiasy Qaruly küşterı Bas ştabynyŋ äskeri akademiiasyn (2013 j.) bıtırgen.
Eŋbek jolyn Üşaral istrebiteldık polkınde joiǧyş-ūşqyş retınde bastaǧan. Taldyqorǧan qalasyndaǧy aviasiialyq baza komandirı, Şymkent qalasyndaǧy aviasiialyq baza komandirı, Qazaqstan Respublikasy Qaruly küşterı Äue qorǧanysy küşterı Äskeri-äue küşterınıŋ qolbasşysy, Äue qorǧanysy küşterı äskeri institutynyŋ bastyǧy bolǧan.
2022–2024 jyldary — Qazaqstan Respublikasy Qaruly küşterı Äue qorǧanysy küşterınıŋ bas qolbasşysy, 2024–2025 jyldary — qorǧanys ministrınıŋ orynbasary – Qazaqstan Respublikasy Qaruly küşterı Äue qorǧanysy küşterınıŋ bas qolbasşysy qyzmetterın atqarǧan. 2025 jylǧy 8 mausymda prezident jarlyǧymen Qorǧanys ministrı qyzmetıne taǧaiyndalǧan.
Erjan Sädenov 1968 jyly Şyǧys Qazaqstan oblysynda tuǧan. S.Amanjolov atyndaǧy Şyǧys Qazaqstan memlekettık universitetın, Qaraǧandy qalasyndaǧy Qazaqstan Respublikasy ŪQK-nıŋ joǧarǧy mektebın tämamdaǧan.
Işkı ıster organdarynda 1993 jylǧy şıldeden bastap orta jäne aǧa basqaruşy qūramnyŋ ärtürlı jedel lauazymdarynda qyzmet atqarǧan.
Är jyldary Ridder, Öskemen qalalary polisiia basqarmalarynyŋ, Şyǧys Qazaqstan oblysy polisiia departamentınıŋ Esırtkı biznesıne qarsy küres basqarmasynyŋ basşysy, Maŋǧystau oblysynyŋ Polisiia departamentı basşysynyŋ bırınşı orynbasary, IIM jedel departament basşysy, kölıktegı polisiia departamentınıŋ basşysy bolyp qyzmet etken.
