Prezident Qasym-Jomart Toqaev bırınşı «Ortalyq Aziia – Koreia Respublikasy» sammitıne qatysty. Būl turaly 16 qyrküiekte Aqordanyŋ baspasöz qyzmetı jazdy, dep habarlaidy «Adyrna» tılşısı.
Memleket basşysy, eŋ aldymen, qonaqjailyq tanytyp, sammittı joǧary deŋgeide ūiymdastyrǧan Koreia Respublikasynyŋ prezidentı Li Chje Mioŋge rizaşylyǧyn bıldırdı.
«Būl dialogtyŋ tarihy tereŋde. Oǧan osydan jiyrma jyl būryn korei tarapy bastamaşy bolǧan. Bügınde yqpaldastyq formaty joǧary saiasi deŋgeige köterıldı. Būl – san qyrly yntymaqtastyǧymyz şynaiy strategiialyq bailanystar men özara senımge ūlasqanyn aiǧaqtaityn sät. Bügıngı sammittı şyn mänınde tarihi uaqiǧa dep atauǧa bolady. Osy keremet kezdesudı ūiymdastyruǧa Prezident Li Chje Mioŋnıŋ saiasi erık-jıger tanytyp, jeke üles qosqanyn airyqşa atap ötkım keledı. Koreia Respublikasynyŋ Ortalyq Aziia memleketterımen teŋ därejelı ärı ūzaqmerzımdı serıktestıktı jolǧa qoiu nietıne kuä bolyp otyrmyz, – dedı Qasym-Jomart Toqaev.
Ol köpjaqty yntymaqtastyqty damytuǧa qatysty da pıkırın jetkızdı. Prezident basty baǧyt retınde sauda-ekonomikalyq jäne investisiialyq yqpaldastyq mäselesın atady.
«Byltyr Ortalyq Aziia men Koreianyŋ özara sauda-sattyq kölemı alǧaş ret 10 milliard dollardan asty. Öŋırdegı tauar ainalymynyŋ jartysyna juyǧy Qazaqstanǧa tiesılı. Seul elımızdıŋ üzdık on sauda serıktesınıŋ qataryna kıredı. Irı investorlardyŋ arasynda toǧyzynşy oryn alady. Koreiadan elımızge 12 milliard dollardan astam investisiia keldı. Qazaqstanda korei kapitalynyŋ ülesı bar myŋnan asa bırlesken käsıporyn tırkelgen. Kia, Hyundai, Doosan, Posco, Samsung, Lotte, Hanwha sekıldı jetekşı kompaniialar Qazaqstan naryǧynda ūzaq jyldar boiy tabysty jūmys ıstep keledı. Qazırgı taŋda ekıjaqty yntymaqtastyq jaŋa deŋgeige köterıldı. Osy sapar aiasynda jalpy qūny şamamen 19 milliard dollarǧa baǧalanǧan kommersiialyq kelısımderge qol qoiyldy. Būl – ekonomikalyq yqpaldastyǧymyzdyŋ qarqyny joǧary ekenıne aiqyn dälel»,–dedı prezident.
Memleket basşysy Qazaqstannyŋ aldaǧy uaqytta da koreialyq kompaniialarǧa qajettı jaǧdai jasauǧa daiyn ekenın mälımdedı. İnvestorlardyŋ elımızde ūzaq uaqyt jürıp-tūruyn jeŋıldetın «Altyn Visa» baǧdarlamasy osy maqsatqa qyzmet etedı.
«Önerkäsıp salasynda ekonomikalyq yqpaldastyqty tereŋdetuge aitarlyqtai mümkındık bar. Byltyr elımızde ıske qosylǧan KIA Qazaqstan zauyty būǧan jarqyn mysal bola alady. Käsıporyn jylyna 70 myŋ avtokölık şyǧarady. Öndırıstıŋ ainalasynda tolyqqandy klaster qalyptasyp keledı. Koreianyŋ tehnologiialyq quatyn elımızdıŋ öndırıstık äleuetımen ūştastyratyn däl osyndai serıktestık ülgısın basqa da salalarda qoldanuǧa bolady dep oilaimyn. Būl rette Ortalyq Aziia elderı men Koreia Respublikasy önerkäsıp ministrlerınıŋ bırınşı kezdesuın ötkızu ideiasyn qūptaimyn. Osy bastamany odan ärı ılgerıletu üşın «Ortalyq Aziia – Koreia» önerkäsıp jäne tehnologiialyq damu serıktestıgın qūrudy ūsynamyn. Atalǧan tetık aiasynda ükımetterımız öndırıs lokalizasiiasyna, tehnologiia transferıne, öŋırlık kooperasiiany damytuǧa jäne daiyn önımdı üşınşı elder naryǧyna şyǧaruǧa den qoia otyryp, bırlesken maŋdaialdy jobalardyŋ tızımın jasaqtai alar edı. Bügıngı «Ortalyq Aziia – Koreia Respublikasy» biznes-forumy osy üderıske eleulı üles qosatynyna senımdımın», – dedı Qasym-Jomart Toqaev.
