Foto: urfu.ru
Qazaqstannyŋ Reseidegı elşısı Däuren Abaev Ekaterinburgte ötken Halyqaralyq jastar festivalıne qatysyp, Qazaqstannan barǧan delegasiia ökılderı men festival qatysuşylary aldynda söz söiledı, dep habarlaidy "Adyrna".
Festivalde Qazaqstan atynan eldıŋ barlyq öŋırınen jinalǧan şamamen 100 adam qatysty. Jiyn barysynda Däuren Abaev jastarǧa özınıŋ bırneşe keŋesın aitty.
Elşı jastarǧa eŋ aldymen adamgerşılık qasietke män beruge şaqyrdy. Ol būl oiyn ädettegıden özgeşe sözdermen jetkızdı.
«Jastarǧa aitarym – bırneşe närse ǧana. Oŋbaǧan bolmaŋdar. Dūrys audarylady dep ümıttenemın. Būl – bırınşı. Eger “jaqsy adam bolyŋdar” desem, mūny, bälkım, este saqtamas edıŋızder. Būl öte maŋyzdy daǧdy, maŋyzdy qasiet – oŋbaǧan bolmau», – dedı Abaev.
Sonymen qatar ol studentterge öz salasynyŋ käsıbi mamany boluǧa jäne äleumettık bailanystaryn keŋeituge keŋes berdı.
Abaev özınıŋ studenttık jyldaryn mysal retınde keltırdı. Onyŋ aituynşa, ol kezde studenttık käsıpodaq komitetın basqarǧan, futbol oinaǧan jäne KVN-ge qatysqan. Osy belsendılıktıŋ arqasynda tanystar ortasyn edäuır keŋeitken.
Elşınıŋ sözınşe, oqu aiaqtalǧannan keiın jaŋa adamdarmen tanysuǧa jäne bailanys ornatuǧa uaqyt azaiady. Sondyqtan jastarǧa käsıbi bılım alumen qatar, studenttık kezdıŋ özınde äleumettık orta qalyptastyru maŋyzdy.
