Foto: Gov.kz
Maŋǧystau oblysynda Kaspii teŋızındegı äskeri oqu-jattyǧu kezınde äskeri qyzmetşılerdıŋ qaza boluyna bailanysty tergeu jürgızılıp jatyr. Tergeu barysynda oqiǧaǧa qatysy bar degen küdıkke ılıngen lauazymdy tūlǧalardyŋ şeŋberı anyqtaldy. Būl turaly Qazaqstan Bas prokuraturasynyŋ baspasöz qyzmetı mälımdedı, dep habarlaidy "Adyrna".
«Qyzmetıne salǧyrt qarady degen küdıkke ılıngen, sondai-aq aua raiy jaǧdaiyn eskere otyryp, jeke qūramnyŋ qauıpsızdıgın qamtamasyz etu üşın qajettı baqylau men şaralardy qabyldamaǧan, qūtqaru jūmystaryn tiıstı deŋgeide ūiymdastyrmaǧan lauazymdy tūlǧalar anyqtaldy. Sonyŋ saldarynan adam ölımıne jol berıldı», – delıngen Bas prokuratura habarlamasynda.
Sonymen qatar tergeu barysynda qūtqaru jūmystarynyŋ tiıstı deŋgeide ūiymdastyrylmaǧany da qaralyp jatyr.
Qazırgı uaqytta oqiǧa orny tekserılıp, 30-dan astam äskeri qyzmetşı jauap alynǧan. Būdan bölek, qajettı qūjattar men beinematerialdar tärkılenıp, 12 saraptama taǧaiyndaldy.
Bas prokuratura tergeu nätijesınde barlyq küdıktıge tolyq qūqyqtyq baǧa berılıp, olarǧa qatysty tiıstı prosestık şaralar qabyldanatynyn habarlady.
Eske salaiyq, Maŋǧystau oblysynda äskeri oqu-jattyǧu kezınde aua raiynyŋ kürt naşarlauyna bailanysty äskeri qyzmetşılerdı teŋız aǧyzyp äketken bolatyn. Naqtylanǧan mälımet boiynşa, oqu-jauyngerlık tapsyrmany oryndau kezınde teŋızge 17 äskeri qyzmetşı ketken.
Olardyŋ üşeuı qūtqaryldy. 14 äskeri qyzmetşı qaza tapty.
Oqiǧanyŋ sebepterın anyqtau maqsatynda Premer-Ministrdıŋ orynbasary Qanat Bozymbaevtyŋ töraǧalyǧymen Ükımettık komissiia qūryldy. Komissiiaǧa äskeri qyzmetşılerdıŋ qaza bolu sebepterın jan-jaqty zertteu jäne marqūmdardyŋ otbasylaryna qajettı kömek körsetu tapsyryldy.
