Litva bilıgı Qyrǧyzstan, Özbekstan jäne Qazaqstandaǧy, sondai-aq Bosniia jäne Gersegovinadaǧy vizalyq ortalyqtardy jabu turaly şeşım qabyldady. Būl turaly 23 qyrküiekte Litvanyŋ ışkı ıster ministrı Martinas Katelinas habarlady, dep jazady “Adyrna”.
Ministrdıŋ aituynşa, jabylatyn ortalyqtar syrtqy qyzmet jetkızuşı kompaniialardyŋ bölımşelerı retınde jūmys ıstegen. Olar şetel azamattary men Litva memlekettık organdary arasynda deldaldyq qyzmet körsetıp, elde tūruǧa rūqsat alu üşın qūjat qabyldaǧan jäne köşı-qon räsımderın bastaǧan.
Katelinastyŋ mälımdeuınşe, vizalyq ortalyqtardy jabu turaly şeşım qauıpsızdık täuekelderı men terrorizm qaupın baǧalau nätijesınde qabyldanǧan.
Litva ışkı ıster ministrı Memlekettık qauıpsızdık departamentı Ortalyq Aziiadan kelgen keibır adamdar arasynda radikaldy közqarastar men terrorizmmen bailanys boluy mümkın ekenın anyqtap jatqanyn aitty. Onyŋ sözınşe, bilık yqtimal qauıptıŋ naqty oqiǧaǧa ainaluyn kütpeuı kerek.
Ol sondai-aq syrtqy qyzmet jetkızuşılerınıŋ jaŋa bölımşelerın aşu josparlanbaitynyn aitty.
Qazırgı uaqytta elde syrtqy qyzmet jetkızuşılerınıŋ 31 ortalyǧy jūmys ısteidı. Tört ortalyq jabylǧannan keiın olardyŋ sany 27-ge deiın qysqarady. Jabu räsımın 2026 jylǧy 1 qaraşaǧa deiın aiaqtau josparlanǧan.
Katelinas vizalyq ortalyqtardyŋ jabyluy Litvaǧa baruǧa arnalǧan vizalardy beru prosesı toqtaidy degendı bıldırmeitının atap öttı.
Ministr Şengen vizalaryn beru toqtamaitynyn atap öttı.
«Eşteŋe de aiaqsyz qalmaidy. Būǧan deiın de adamdar vizanyŋ ärtürlı türlerın, sonyŋ ışınde C sanatyndaǧy Şengen vizasyn alu üşın elşılıkter men konsuldyq mekemelerge jügıne alatyn. Būdan bylai da būl mümkın bolady. Elşılıkter men konsuldyqtar jabylmaidy», – dedı ministr 24 qyrküiekte Litva parlamentınde.
Vizalyq ortalyqtardy jabu turaly şeşım Litvanyŋ köşı-qon saiasatyn qataŋdatyp jatqan kezeŋde qabyldanyp otyr. 2026 jyldyŋ qyrküiek aiynyŋ basynda Litvaǧa jūmys ısteu üşın keletın şetel azamattaryna arnalǧan osy jylǧa belgılengen 24,7 myŋ adamdyq kvota tolyq paidalanylyp qoidy. Kvota aiaqtalǧannan keiın jūmysqa ornalasu negızınde uaqytşa tūruǧa rūqsat tek zaŋda qarastyrylǧan jaǧdailarda ǧana berıledı.
Köşı-qon departamentınıŋ mälımetınşe, 2026 jylǧy 1 qyrküiektegı jaǧdai boiynşa Litvada şamamen 227 myŋ şetel azamatynyŋ qoldanystaǧy tūruǧa rūqsaty bolǧan. Olardyŋ 80 myŋy – Ukraina azamattary, 48 myŋǧa juyǧy – Belarus azamattary, 13 myŋy – Resei azamattary, şamamen 13 myŋy – Özbekstan, 9,4 myŋy –Ündıstan, 7,4 myŋy – Täjıkstan azamattary.
2025 jyly Litva bilıgı Duşanbedegı vizalyq ortalyqty jabatynyn da jariialaǧan bolatyn. «Azattyq-Aziia» mälımetınşe, ortalyq ekı jyl jūmys ıstegen uaqyt ışınde şamamen 6,5 myŋ adam Litvada tūruǧa rūqsat alu üşın qūjattaryn räsımdegen. Olardyŋ basym bölıgı jürgızuşıler men qūrylysşylar bolǧan. Alaida olardyŋ köpşılıgı Litvany tek tranzittık el retınde paidalanyp, ıs jüzınde Europalyq Odaqtyŋ basqa memleketterınde jūmys ıstegen.
