Foto: Aqjaiyq
Kaspii teŋızındegı qaiǧyly oqiǧadan aman qalǧan 19 jastaǧy sarbaz Beket Quandyqtyŋ qazırgı jaǧdaiy jaqsy. Būl turaly onyŋ anasy "Aq Jaiyq" mälımdedı, dep habarlaidy "Adyrna".
Jas sarbaz oqiǧadan keiın öz küşımen jaǧaǧa jetken.
Būǧan deiın «Aq Jaiyq» Beket Quandyqtyŋ auruhanaǧa jetkızılgenı turaly aqparat taratqan. Alaida oqiǧanyŋ alǧaşqy saǧattarynda mälımettıŋ az boluyna bailanysty onyŋ tuystary sarbazdyŋ aman qalǧanyn bılgenımen, auruhanaǧa tüstı dep oilaǧan.
Otbasy taŋerteŋ Aqtauǧa jetıp, Beketpen kezdesken kezde onyŋ auruhanada emes ekenın anyqtaǧan.
Beket Quandyq Atyrau oblysy Mahambet auylynyŋ tumasy. Ol 2025 jylǧy 3 qazanda äskerge şaqyrylyp, №29011 äskeri bölımınde qyzmet atqaryp jürgen.
Sarbazdyŋ anasy Qarlyǧaş Myrzǧalievanyŋ aituynşa, qaiǧyly habardy esti sala otbasy Aqtauǧa jolǧa şyqqan.
«Allaǧa şükır, ūlym aman. Taŋerteŋ Aqtauǧa kelıp, öz közımızben kördık. Ol dın aman, özdıgınen jürıp-tūrady. Syn saǧatta öz küşımen jaǧaǧa jetken. Qalǧan jaǧdailar tekserısten keiın belgılı bolady. Balalarymyz älı jas, būl oqiǧa olardyŋ ömır boiy esınde qalady», – dedı ol.
Qarlyǧaş Myrzǧalieva qaza bolǧan äskeri qyzmetşılerdıŋ jaqyndaryna köŋıl aityp, oqiǧanyŋ el üşın auyr qaza bolǧanyn jetkızdı.
«Būl bükıl Qazaqstan üşın öte auyr qaiǧy. Qazır äke-şeşelerınıŋ qandai küide ekenın sözben jetkızu mümkın emes. Barlyq qaza bolǧan jıgıtterdıŋ äke-şeşelerıne şyn jürekten köŋıl aitamyn. Endı eşkım mūndaidy bastan keşırmesın», – dedı sarbazdyŋ anasy.
Eske salaiyq, 24 qyrküiekte Maŋǧystau oblysynda Qazaqstan Qaruly küşterı Äskeri-teŋız küşterınıŋ oqu-jattyǧuy kezınde 17 äskeri qyzmetşını teŋız aǧyzyp äketken. Olar Kaspii jaǧalauynda oqu-jauyngerlık tapsyrma oryndap jatqanda aua raiy kürt naşarlap, jel küşeigen.
Qorǧanys ministrlıgınıŋ mälımetınşe, 14 äskeri qyzmetşı qaza tapqan, üşeuı qūtqaryldy.
Qaiǧyly oqiǧadan keiın 25 qyrküiek Qazaqstanda jalpyūlttyq aza tūtu künı bolyp jariialanǧan bolatyn.
