Eŋbek künın merekeleuge arnalǧan ıs-şaralar aiasynda Astana qalasy äkımdıgınıŋ KMM «Eŋbek mobildılıgı ortalyǧy» ūiymdastyrǧan «Äleumettık-eŋbek mäselelerı boiynşa Aşyq esık künı» öttı.
Is-şaraǧa «Äleumettık medisinalyq saqtandyru qory» KEAQ Astana qalasy boiynşa filialynyŋ ökılderı qatysyp, elorda tūrǧyndaryna mındettı äleumettık medisinalyq saqtandyru (MÄMS) jüiesıne qatysty aqparattyq-tüsındıru jūmystaryn jürgızdı.
Kezdesu barysynda tūrǧyndardyŋ özderın qyzyqtyrǧan bırqatar özektı sūraqtaryna jauap berıldı. Atap aitqanda:
alǧaşqy medisinalyq-sanitariialyq kömek (MSAK) ūiymdaryna, onyŋ ışınde «UMC» KF jäne QR Prezidentı Is basqarmasynyŋ Medisinalyq ortalyǧyna tırkelu;
eresekterge stomatologiialyq kömek körsetu, onyŋ ışınde jaryqpen qataitylatyn plomba salu jäne «Sevoran» preparatymen emdeu;
beiındı mamandarǧa, onyŋ ışınde aritmolog pen endokrinologqa joldama alu;
MRT-ǧa joldama alu;
ūzaq merzımdı eŋbek demalysy kezeŋınde saqtandyrylu märtebesın anyqtau mäselelerı talqylandy.
Sonymen qatar elorda tūrǧyndary MÄMS jüiesınde «saqtandyrylǧan» märtebesın qalai aluǧa bolady, saqtandyrylu märtebesın qalai tekseruge jäne jarnalardy qalai töleuge bolady degen saualdaryna naqty tüsındırmeler aldy.
Osyndai aqparattyq-tüsındıru kezdesulerı halyqtyŋ MÄMS jüiesı turaly habardarlyǧyn arttyruǧa, azamattardyŋ öz qūqyqtary men mındetterın bıluıne jäne medisinalyq kömektı alu mümkındıkterı turaly tolyq aqparat aluyna mümkındık beredı.
Öz qūqyǧyŋdy bılu – sapaly medisinalyq kömekke qol jetkızudıŋ maŋyzdy qadamy!
