AQŞ-tyŋ Tennessi ştatynda ölım jazasyna kesılgen 50 jastaǧy äielge ükımdı oryndau kezınde uly ineksiia jasalǧan. Alaida ol köz jūmbai, tırı qalǧan, dep habarlaidy «Adyrna» tılşısı BBC-ge sılteme jasap.
Tennessi ştatynyŋ gubernatory Bill Li ölım jazasyna kesılgen Krista Paiktyŋ keşırım jasau turaly ötınışın qanaǧattandyrmady. Al AQŞ Joǧarǧy soty ükımnıŋ oryndaluyn keiınge şegeru turaly ötınıştı qabyldaǧan joq. Eger jaza oryndalsa, Paik Tennessi ştatynda soŋǧy 200 jyldan astam uaqyt ışınde ölım jazasyna kesılgen alǧaşqy äiel bolady.
Eşli Sellars osy aptanyŋ basynda Tennessi ştatyndaǧy ölım jazasyn kütu kamerasynda otyrǧan qūrbysy Krista Paikpen soŋǧy ret hat almasqan. Paik oǧan ölımge äkeletın ineksiia arqyly jazalanudy kütıp otyrǧan kezde habarlama jıbergen.
Paik Sellarsqa jaqyndarynyŋ eşqaisysy särsenbı künı ötetın jazany oryndau räsımıne qatyspaǧanyn qalaitynyn aitqan.
«Ol bızdıŋ mūny bastan ötkergenımızdı qalamaidy», – deidı Sellars.
Sellars üşın özı bıletın meiırımdı ärı qamqor jannan 31 jyl būryn jantürşıgerlık qylmys jasaǧan adamdy köru qiyn.
Eske salaiyq, 1995 jyly 18 jastaǧy Krista Paik pen onyŋ serıktesı Tadaril Şipp Paiktyŋ 19 jastaǧy synyptasy Kollin Slemmerdı öltırgen. Bır jyldan keiın Paik bırınşı därejelı kısı öltırdı dep tanylyp, ölım jazasyna kesıldı. Al qylmys jasalǧan kezde 17 jasta bolǧan Şipp şartty türde merzımınen būryn bosatu mümkındıgı qarastyrylǧan ömır boiy bas bostandyǧynan aiyru jazasyn aldy.
Krista Paik AQŞ-tyŋ qazırgı tarihyndaǧy ölım jazasyna kesılgen eŋ jas äiel atandy. Is bükıl elde ülken rezonans tudyrdy, öitkenı Slemmerdıŋ mäiıtı keudesıne satanizmnıŋ simvoly sanalatyn pentagramma oiyp salynǧan küide tabylǧan.
Paiktyŋ advokattary oǧan keşırım jasaudy sūraǧan. Olardyŋ aituynşa, ol qylmysty nebärı 18 jasynda jasaǧan jäne anasynyŋ küieulerı tarapynan ūzaq jyldar boiy jynystyq zorlyq-zombylyq körıp, psihikalyq densaulyǧyna bailanysty qiyndyqtarǧa, sonyŋ ışınde bipoliarlyq būzylysqa şaldyqqan.
Qorǧauşylardyŋ pıkırınşe, Paikty ūstap tūryp, ölım jazasyn oryndau üşın medisinalyq tösekke bailau ükımdı oryndau tärtıbın AQŞ Konstitusiiasyndaǧy «qatygez ärı ädetten tys jazaǧa» tyiym salu qaǧidatyna qaişy etedı.
