Foto:comnews.ru
«Iаndeks» servisterındegı aqaudan keiın Qazaqstanda azamattardyŋ derbes derekterınıŋ saqtaluy men qorǧalu mäselesı qaita köterıldı. Būl mäselenı Mäjılıs otyrysynda «Ädılet» partiiasynan sailanǧan deputat Läzzat Jylqybaeva qozǧap, Bas prokuror Berık Asylov pen Premer-ministrdıŋ orynbasary – jasandy intellekt jäne sifrlyq damu ministrı Jaslan Mädievke deputattyq saual joldady, dep habarlaidy "Adyrna".
Deputattyŋ aituynşa, 11 qazanda qazaqstandyq paidalanuşylar «Iаndeks» kompaniiasynyŋ bırqatar qyzmetıne qol jetkıze almai qalǧan. Kompaniia būl jaǧdaiǧa şetelde ornalasqan infraqūrylymnyŋ jūmysyndaǧy aqau sebep bolǧanyn tüsındırgen.
Ministrlık Qazaqstan azamattarynyŋ derbes derekterı saqtalatyn serverler el aumaǧynda ornalasqanyn mälımdegenımen, servisterdıŋ keibır qūramdas bölıkterı şetelde ornalasqanyn da rastaǧan. Osyǧan bailanysty deputat paidalanuşylardyŋ jeke mälımetterı qai memlekette jäne qandai qūqyqtyq talaptar negızınde öŋdeletının naqtylau qajet dep sanaidy.
«Azamattardyŋ telefon nömırlerı, mekenjailary, qozǧalys baǧyttary men tölem derekterın kündelıktı öŋdeitın servistıŋ şeteldegı infraqūrylymdaǧy aqauǧa bailanysty toqtauy derekterdıŋ qaida jäne qandai qūqyqtyq rejimde öŋdeletının aşyq anyqtau qajettıgın körsetedı», – dedı Läzzat Jylqybaeva.
Deputat kötergen taǧy bır mäsele – azamattardyŋ jeke mälımetterınıŋ aşyq qoljetımdılıkke şyǧyp ketuı.
Onyŋ mälımetınşe, Qyzylorda oblysynyŋ Şielı audanyndaǧy jetı bılım beru ūiymy memlekettık satyp alu portalynda 529 qyzmetkerdıŋ derbes derekterın jariialaǧan. Al Semei qalasynda qyzmetkerlerdıŋ mälımetterımen bırge 344 kämeletke tolmaǧan balanyŋ jeke aqparaty da aşyq qoljetımdı bolǧan.
Jylqybaeva būl jaǧdailarda aqparatty alu üşın aqparattyq jüielerdı būzudyŋ qajetı bolmaǧanyn atap öttı. Onyŋ sözınşe, azamattardyŋ mälımetterın qorǧauǧa mındettı mekemelerdıŋ özderı aqparattyŋ jariia bolyp ketuıne jol bergen.
Deputat azamattar memlekettık qyzmetterdı paidalanǧanda, bankke jügıngende, emhanaǧa tırkelgende nemese balalaryn mektepke ornalastyrǧanda jeke mälımetterın türlı ūiymdarǧa ūsynatynyn eske saldy. Alaida odan keiın būl aqparatqa kımnıŋ qol jetkızetını, qandai maqsatta paidalanylatyny jäne onyŋ saqtaluy qalai baqylanatyny maŋyzdy sūraq bolyp qala beredı.
Äsırese balalardyŋ derekterıne erekşe nazar audaru qajettıgı aityldy. Öitkenı olardyŋ tūrǧylyqty mekenjaiy, oqityn mektebı, densaulyǧy men otbasynyŋ äleumettık jaǧdaiy turaly aqparattyŋ taraluy jeke qauıpsızdıgıne qater töndıruı mümkın.
Deputat qandai şaralar ūsyndy?
Läzzat Jylqybaeva derbes derekterdı qorǧau salasyndaǧy baqylaudy küşeitu üşın bırneşe baǧyt boiynşa jūmys jürgızu qajet ekenın mälımdedı.
Onyŋ ūsynystary mynalardy qamtidy:
- 11 qazandaǧy oqiǧaǧa bailanysty derbes derekterdı şekaraaralyq beru talaptarynyŋ zaŋdylyǧyn tekseru;
- äleumettık nysandar men olarǧa qyzmet körsetetın kompaniialardyŋ jeke mälımetterdı jinau tärtıbınıŋ zaŋǧa säikestıgın anyqtau;
- jalpyǧa qoljetımdı resurstarda jariialanbauy tiıs derekterdı bürkemeleu jönındegı zaŋ talaptarynyŋ oryndaluyn tekseru;
- osy salada jūmys ısteitın mamandardyŋ bılıktılıgın arttyryp, jergılıktı atqaruşy organdarǧa arnalǧan bıryŋǧai tekseru ädıstemesın äzırleu;
- derbes derekterı zaŋsyz jariialanǧan azamattardyŋ qūqyqtaryn qalpyna keltıru tetıkterınıŋ tiımdılıgın qamtamasyz etu.
Deputattyŋ pıkırınşe, atalǧan şaralar jeke aqparattyŋ zaŋsyz taraluyna jol bermeuge jäne azamattardyŋ qūqyqtaryn qorǧauǧa baǧyttaluy kerek.
Eske salsaq, 11 qazanda Qazaqstanda «Iаndeks» servisterınıŋ jūmysynda ırkılıster baiqalǧan. Kompaniianyŋ tüsındıruınşe, onyŋ tehnologiialyq qyzmetterı ärtürlı elderde ornalasqan komponentterden tūratyn bölıngen esepteu infraqūrylymyna täueldı. Aqaularǧa bailanysty Uber servisınıŋ qazaqstandyq paidalanuşylary da şaǧymdanǧan. 2023 jyldan berı atalǧan servistıŋ jalǧyz iesı – «Iаndeks» kompaniiasy.
Būǧan deiın reseilık RBK basylymy 8 qazanǧa qaraǧan tünı drondar şabuylynan keiın Riazan oblysyndaǧy Sasovo qalasynda ornalasqan «Iаndeks» derekter ortalyǧynda ört şyqqanyn habarlaǧan. Basylym derekterıne säikes, nysannyŋ jūmysy tolyǧymen toqtaǧan.
Sondai-aq 9 qazanda Kalugadaǧy kompaniianyŋ derekter ortalyǧyna drondar şabuyl jasap, bırneşe modul ısten şyqqany aitylǧan. Kompaniia qyzmetkerler arasynda zardap şekkender joq ekenın mälımdegenımen, jabdyqtardyŋ jūmysyn qalpyna keltıru merzımın naqtylau qiyn ekenın jetkızgen.
