Qazaqstanda avtojol salasyn reformalau jönındegı ükımettık jūmys toby qūryldy. Ol jol qūrylysynyŋ sapasyn arttyru, qoldanystaǧy standarttardy jaŋartu jäne memlekettık qarajattyŋ tiımdı jūmsaluyn qamtamasyz etu mäselelerın qarastyrady. Būl turaly bügın, 14 qazanda Ükımettıŋ baspasöz qyzmetı mälımdedı, dep habarlaidy «Adyrna» tılşısı.
Premer-ministr Oljas Bektenovtıŋ ökımımen qūrylǧan jūmys toby Memleket basşysynyŋ Qazaqstan Halyq Keŋesınıŋ alǧaşqy sessiiasynda bergen tapsyrmalaryn jüzege asyruǧa baǧyttalǧan.
«Jūmys toby jol qūrylysynyŋ qazırgı jüiesın jäne onyŋ sapasyn baǧalau täsılderın qaita qarastyrady. Sonymen qatar qūrylys normalary men standarttaryn jaŋartu, salany basqarudyŋ jaŋa tetıkterın engızu, sifrlyq şeşımder arqyly jol infraqūrylymyn jaqsartu mäselelerı pysyqtalady. Būdan bölek, memlekettık qarajatty paidalanudyŋ tiımdılıgı men aşyqtyǧyn arttyruǧa basymdyq berıledı»,–delıngen habarlamada.
Jūmys tobyna Premer-ministrdıŋ bırınşı orynbasary jetekşılık etedı. Onyŋ qūramyna bırqatar ministrlıkterdıŋ basşylyǧy, Bas kölık prokurorynyŋ orynbasary, ūlttyq kompaniialar men salalyq ǧylymi-zertteu ūiymdarynyŋ ökılderı, sondai-aq sarapşylar men Qūryltai deputattary endı.
Premer-ministr jūmys tobyna 2026 jylǧy 1 jeltoqsanǧa deiın avtojol salasyn tübegeilı reformalau jönınde ūsynystar äzırleudı tapsyrdy. Ūsynystarǧa zaŋnamalyq özgerıster de engızıluı tiıs.
