Şetelde tūratyn etnikalyq qazaqtar Qazaqstannyŋ joǧary oqu oryndaryna tüsu üşın Ūlttyq bıryŋǧai testıleuge (ŪBT) qatysa alady, dep habarlaidy “Adyrna”.
Olar testıleudı jylyna tört ret qaŋtar, nauryz, negızgı jäne tamyz ailarynda tapsyruǧa qūqyly.
Ūlttyq testıleu ortalyǧynyŋ mälımetınşe, şetel azamattary ŪBT-ǧa app.testcenter.kz saity arqyly tırkele alady. Testıleu aqysy – 5 640 teŋge.
Aqyly bölımge oquǧa tüsudı josparlaǧan talapkerler üşın ŪBT tapsyru mındettı emes. Olar joǧary oqu ornyna äŋgımelesu nätijesı boiynşa qabyldana alady. Al memlekettık bılım granty konkursyna qatysu üşın negızgı ŪBT-dan ötu qajet. Grant konkursyna ötınışter säuır aiynda qabyldanady.
Qazaqstan azamatynyŋ jeke säikestendıru nömırı (JSN) bar talapkerler tırkelu kezınde tiıstı bölımge öz nömırın engızuı kerek. Al 18 jasqa tolmaǧandar ata-anasynyŋ nemese zaŋdy ökılınıŋ derekterın körsetuı tiıs.
JSN-y joq şetel azamattary «QR JSN joq» bölımın taŋdap, jeke mälımetterın toltyrady. Tırkeu aiaqtalǧan soŋ olarǧa 12 taŋbaly kod berıledı.
ŪBT pänderınıŋ sany talapker taŋdaǧan mamandyq pen oqu merzımıne bailanysty.
