Qaŋtarda Memleket basşysy Qasym-Jomart Toqaevtyŋ bastamasymen «Qazaqstan halqyna» atty qor qūrylyp, qaltaly azamattar aqşa audara bastaǧan edı. Mıne, sodan berı qor atauly kömek körsetu jäne damu baǧdarlamasyn ıske asyru baǧytynda jūmys ıstep keledı. Bügınde qordan kömek sūraǧandardyŋ ışınde azqamtylǧan jäne köpbalaly otbasylar köp. Degenmen, qor eŋ aldymen erekşe qajettılıgı bar balalardyŋ aiaqqa tūryp ketuıne barynşa yqpaldasuda. Būl rasynda Balalar jyly qarsaŋynda qolǧa alynǧan igı şarpalardyŋ bıregeiı.
Būl turaly oblysqa jūmys saparymen kelgen «Qazaqstan halqyna» qoǧamdyq qory töraǧasynyŋ orynbasary Läzzat Şyŋǧysbaeva airyqşa atap ötıp, qordyŋ joba-jospary, baǧyty turaly keŋınen aityp berdı.
Jalpy oblysta erekşe bılım aludy qajet etetın 7898 bala bolsa, onyŋ ışınde 2786 balanyŋ mümkındıgı şekteulı. Aimaqtaǧy 444 mektepte 1262 bala inkliuzivtı bılımmen qamtylǧan. Sol sekıldı 4 arnaiy tüzetu mektep internatynda 501 balaǧa qyzmet körsetılude.
Basqosuda oblys äkımı Nūrjan Nūrjıgıtov öŋırdegı erekşe qajılettılıgı bar jastar turaly toqtaldy.
– Oblysta erekşe bılım men tärbienı qajet etetın balalar üşın jobalar äzırlenude. Atap aitqanda mektepten tys jäne mektepşılık olimpidalar ötkızetın oblystyq ortalyqty qaita jaŋǧyrtyp, erekşe qajettılıgı bar balalardy sol ortalyqta beiımdeu josparlanuda. Atalǧan ortalyqta 1500 jäne 100 oryndyq jataqhana üşın qosymşa ǧimarat qarastyryluda. Sondai-aq Taraz qalasynda autizm jäne oŋaltu ortalyǧyna qosymşa ǧimarat pen jataqhananyŋ jobalyq smetalyq qūjattaryn äzırleu boiynşa jūmystar jürgızılude. Būl jobalardyŋ qūny 1 milliard teŋgenı qūramaq. Osyǧan orai atalǧan mäselelerdı qor tarapynan şeşudı ūsynamyz,–dedı oblys äkımı.
Būdan soŋ «Qazaqstan halqyna» qoǧamdyq qory töraǧasynyŋ orynbasary Läzzat Şyŋǧysbaeva qordyŋ aldaǧy jobalary men baǧdarlamalary jäne 6 aidaǧy jūmys auqymy turaly baiandady.
– Qor resmi tırkelgen künı-aq jūmysyn bastap kettı. Sol künnen ükımettık emes ūiymdarmen kezdesuler ötkızıp tūramyz. Elımızde 25 myŋnan astam ükımettık emes ūiymdar bolsa, onyŋ ışınde myŋǧa tarta ūiym belsendı jūmys ısteidı. Qorǧa el boiynşa 40 myŋǧa juyq azamat ötınış tastasa, sonyŋ 1800-den astamy Jambyl oblysynan tüsken. Bız sol ötınışterdı jık-jıkke bölıp, saralap qaradyq. Aitqym kelgenı, qordyŋ aqşasyna nesie jabylmaidy jäne toi tomalaqqa kömek sūraǧandarǧa kömek körsetılmeidı. Kömek tek şyn mūqtaj jandarǧa körsetıledı. Bız äuelı qūqyq qorǧau organdarynyŋ qatarynda jürıp, oqystan qaza tapqan azamattardyŋ otbasyna 7 million teŋgeden audardyq. Sol sekıldı auyr jaralanǧan azamattardyŋ otbasyna da qarjylai kömek körsetıldı. Eldegı JOO bılım alatyn tömen otbasydan şyqqan studentterge grant berılude. Olardyŋ basym köpşılıgı tūrmys jaǧdaiyna bailanysty ülgerımı naşarlaǧan studentter. Sol sekıldı densaulyq saqtau salasynda tuǧannan köru qabıletınen ajyraǧan närestelerdıŋ emıne, tırek-qimyl apparaty zaqymdanǧan balalarǧa järdemdesudemız.
Būdan özge tamyr potologiiasy boiynşa syrqattanǧan balalardyŋ da ötınışın quattap otyrmyz. Keiıngı jyldary autizmmen auyratyn balalar da köbeiıp keledı. Sondyqtan bız segız öŋırde reabelitasiialyq ortalyq aşudy josparlap otyrmyz. Sol ortalyqtyŋ bırı Taraz qalasynda aşylady. Bızde medisina salasyndaǧy täjıribelı mamandar köptegen aurudy emdeuge qauqarly. Sondyqtan reabelitsiialyq ortalyqtarda qyzmet körsetu sapasyna Evropadaǧy elder sekıldı airyqşa köŋıl bölgenımız jön,–dedı Läzzat Altynbekqyzy.
Döŋgelek üstel otyrysynda qoǧam belsendılerı qor basşylyǧyna aşyq sūraq qoiyp mardymdy jauap aldy.
Jiynda öŋır basşysy auyldyq jerdegı bılım sapasyn qala deŋgeiın jetkızu mäselesın qauzap, qordyŋ osy jūmystarǧa aralasqanyna rizaşylyǧyn bıldırdı. Nūrjan Nūrjıgıtov qordyŋ kömegımen jyl saiyn bır audanda mektep aşyp, mūǧalımderdı arnaiy oqudan ötkızu mäselesı qolǧa alu turaly da ūsynysyn bıldırdı.
Kezdesu soŋynda Jambyl oblysynyŋ äkımı men «Qazaqstan halqyna» qory töraǧasynyŋ orynbasary özara yntymaqtastyq turaly Memorandumǧa qol qoidy.
