«AMANAT» partııasy janyndaǵy Ekonomıka, kásipkerlik jáne agrarlyq sektor máseleleri jónindegi respýblıkalyq qoǵamdyq keńestiń otyrysynda janar-jaǵarmaı tapshylyǵy men egin jınaý jumystaryna daıyndyq máseleleri talqylandy, dep habarlaıdy "Adyrna" ulttyq portaly.
Keńes tóraǵasy, Májilistegi «AMANAT» frakııasynyń múshesi Amanjan Jamalov búginde elimizdiń birqatar óńirinde dızel otynynyń tapshylyǵy baıqalatynyn atap ótti. Óńirlerde taýarlarǵa, onyń ishinde janar-jaǵarmaı baǵasyna monıtorıng júrgizý úshin partııadan 216 top júıeli jumys isteýde.
Aqmola, Qostanaı, Jetisý, Batys Qazaqstan oblystarynda jáne Almaty, Shymkent qalalarynda janar-jaǵarmaıdy jetkizý máseleleri baıqaldy.
Dızel otyny tapshylyǵynyń sebebin Energetıka mınıstri Bolat Aqsholaqov túsindirdi.
«Búginde Qazaqstanda jáne kórshi elderde dızel otynynyń baǵasyndaǵy aıyrmashylyq lıtrine 80-100 teńge emes, 200 teńgeden asady. Sonyń saldarynan tutyný kólemi kúrt ósti. Sheteldik tutynýshylar 100 myń tonnadan astam satyp alady. Iaǵnı, dızel otyny el aýmaǵynan shyǵarylyp jatyr», – dedi Bolat Aqsholaqov.
Energetıka mınıstri tapshylyqqa qaramastan, aýyl sharýashylyǵy óndirýshileri janar-jaǵarmaımen úzdiksiz qamtamasyz etilip otyrǵanyn jetkizdi.
«Jóneltý baǵasy lıtrine 177 teńgege belgilendi. Biraq jetkizý qunyn qosa eseptegen kezde baǵa lıtrine 203 teńgeni qurap otyr. Jóneltý jáne jetkizý máselesi baqylaýda tur. Biz mınıstrlik saıtynda aımaqtardaǵy ókilderdiń baılanys nómirlerin jarııaladyq. Másele týyndaǵan jaǵdaıda kez kelgen aýyl sharýashylyǵy óndirýshisi olarǵa júgine alady. Ol úshin biz arnaıy shtab qurdyq. Janarmaı quıý beketterindegi tapshylyq sanaýly kúnde joıylady», – dedi mınıstr.
Alaıda, Keńes músheleri eldegi janar-jaǵarmaı daǵdarysyna jol bergen vedomstvolar jumysyn synǵa aldy.
Amanjan Jamalovtyń pikirinshe, der kezinde shara qabyldamaýdyń saldarynan egin jınaý naýqany qarsańynda janar-jaǵarmaı qory qalmady.
«Álemde bolyp jatqan jaǵdaıdy eskere otyryp, elde keminde úsh aılyq janar-jaǵarmaı qory bolýy tıis. Qazaqstan álemde janarmaı baǵasy eń tómen elderdiń biri. Sheteldik tasymaldaýshylarǵa Qazaqstannan janarmaı alý tıimdi. Ózbekstandyq júrgizýshiler taýardy Máskeýge jetkizer kezde Shymkentte, odan keıin Oralda janarmaı quıady. Dál solaı keri qaıtady. Demek, biz ózbek taýarlaryn jetkizýdi janama túrde sýbsıdııalap, olardy Reseı naryǵy úshin arzandatyp otyrmyz.
Búginde Úkimet óńirge, kólikke jáne tutyný kólemine qaraı dızel otynyna saralanǵan baǵa engizdi. Qazaqstandyqtar úshin dızel baǵasy 230-260 teńge. Sheteldikter úshin 450 teńge. Nege qazir ǵana saralanǵan tarıfter týraly sheshim qabyldadyq? Nelikten tek dızel otyny? Benzın boıynsha da osyndaı másele bar. Jalpy, budan búkil Qazaqstan halqy zardap shegedi. Janarmaı beketterinde taǵy tapshylyq baıqalady. Jalpy, búginde sizderdiń is-áreketińizdiń saldarynan qazaqstandyqtar úshin kólik emes, janar-jaǵarmaı quıý mártebe bolyp tur», – dedi Amanjan Jamalov.
Keńes músheleriniń pikirinshe, tarıfti saralaýdaǵy negizgi másele – janarmaı quıý beketterin kimniń baqylaıtynynda bolyp otyr. Depýtattyń aıtýynsha, janar-jaǵarmaı quıý beketterine birinshi kezekte qazaqstandyqtarǵa qyzmet kórsetýge mindetteıtin sharttar men talaptar qajet.
«Qazaqstan azamaty janarmaı quıý beketine kelgen kezde, oǵan 230 teńgeniń dızel otyny joq ekeni, tek 450 teńgeden satylatyny aıtylady. Qalamasań, satyp alma. Óıtkeni olar tek sheteldik kólikterge satady. Bul olarǵa 2 esege tıimdi. Sonyń saldarynan halyq zardap shegedi. Óńirlerde arzandatylǵan dızel otynyn jetkizýshiler ony janar-jaǵarmaı quıý beketteri arqyly joǵary baǵamen satqan jaǵdaılar anyqtaldy», – dep atap ótti Keńes tóraǵasy.
Otyrys qorytyndysy boıynsha Energetıka, Aýyl sharýashylyǵy mınıstrlikterine jáne jergilikti atqarýshy organdarǵa janar-jaǵarmaıdy qamtamasyz etý boıynsha baqylaýdy kúsheıtý, jeńildetilgen baǵamen dızel bólý men jetkizýdegi túıtkildi máselelerdi joıý usynyldy. Óz kezeginde, partııanyń óńirlik monıtorıng toptary janar-jaǵarmaı baǵasy men qol jetimdiligi týraly jergilikti jerlerdegi naqty jaǵdaıdy baqylaýda ustaýdy ári qaraı jalǵastyrady.
"Adyrna" ulttyq portaly
