Astana qalasynda «KamAZ» markaly jük kölıgınıŋ jürgızuşısı röldı basqara almai, LRT qorşauyna soǧyldy. Būl turaly Instagram-da video jariialandy, dep habarlaidy “Adyrna” ūlttyq portaly.
Elordalyq Polisiia departamentı oqiǧaǧa qatysty tüsınıkteme berdı.
Vedomstvonyŋ mälımetınşe, jol apaty 5 jeltoqsan künı saǧat 12:20 şamasynda bolǧan. Apattan zardap şekkender joq.
«KamAZ markaly kölıgınıŋ 31 jastaǧy jürgızuşısı Syǧanaq köşesımen jürıp, Türkıstan köşesınen Qabanbai batyr daŋǧylyna qarai kele jatyp, jol jamylǧysyn eskermei jäne röldı basqara almai, qorşauǧa soǧylyp, ony zaqymdaǧan (baǧanasy bülınbegen)», – dep mälımdedı Astana PD baspasöz qyzmetı.Jürgızuşıge qatysty ÄQBtK 610-babynyŋ 1-bölıgı (Kölik qūraldaryn jürgizuşilerdiŋ adamdardyŋ densaulyǧyna ziian keltiru, kölik qūraldarynyŋ nemese özge de müliktiŋ bülinuine äkep soqqan jol qozǧalysy erejelerin būzuy) boiynşa äkımşılık ıs qozǧaldy. Polisiia kölık ielerın köktaiǧaq kezınde joldarda öte saq jäne mūqiiat boluǧa şaqyrdy.
Ūqsas jaŋalyqtar
