Semeidegı Energetik yqşamaudanynda tūrǧyndar jylu mäselesıne şaǧymdandy, dep jazady "Adyrna" ūlttyq portaly.
Qala äkımşılıgınıŋ habarlauynşa, būl jaǧdai arnaiy jüienıŋ ısten şyǧuyna bailanysty bolǧan.
"Bügın, 10 jeltoqsanda saǧat 4:00-de №5 mektep-internatynyŋ jylu közınde QKŞ (qoj ben kül şyǧaru) jüiesı ısten şyǧyp, jylumen jabdyqtau parametrlerı tömendedı. "Teplokommunenergo" MKK-nyŋ 12 qyzmetkerı jaǧdaidy qalypqa keltıru üşın jūmys ıstep jatyr, jylu mümkındıgınşe tez qalpyna keltırıledı", - delıngen resmi habarlamada.Oblystyq äkımdık ökılderınıŋ mälımetınşe, būl jüienıŋ ısten şyǧuyna bailanysty tört qazandyq qondyrǧysynyŋ jūmysynda aqau baiqaldy.
"QKŞ jüiesınıŋ būzyluy 1,2,3,4 qazandyq agregattarynyŋ jūmysynyŋ būzyluyna jäne salqyndatqyş sūiyqtyqtyŋ temperaturalyq parametrlerınıŋ tömendeuıne äkeldı. Tıkelei qūbyrdyŋ temperaturasy 75 gradustan 50 gradusqa deiın tömendedı. Temperatura rejimın saqtau üşın saǧat 06:00-de 3 qazandyq blogy ıske qosyldy, keiın jüie tazalandy", - dep habarlady Abai audany äkımdıgınıŋ baspasöz qyzmetı."Teplokommunenergo" MKQK qyzmetkerlerı jylu közınıŋ aqauyn joiu jäne qalypty rejimde jūmysyn qalpyna keltıru boiynşa qajet şaralardy ıstep jatyr.
"Adyrna" ūlttyq portaly
Ūqsas jaŋalyqtar
