Sybailas jemqorlyqqa qarsy qyzmet QR Ūlttyq muzeiınıŋ direktory A.Mūhamediūlyna (QR Mädeniet jäne sport eks-ministrı) jäne özge adamdarǧa qatysty biudjet qarajatyn asa ırı mölşerde ūrlau faktılerı boiynşa tergeu jürgızıp jatyr. Olar Arystan Mūhamediūlynyŋ qyzmetıne qatysty tyŋ derekterdı ūsyndy, dep habarlaidy “Adyrna” ūlttyq portaly.
Agenttık taratqan aqparatqa süiensek, jürgızılıp jatqan tergeu aiasynda A. Mūhamediūlymen jäne basqalarmen söz bailasyp, "Älem mūrajailary boiynşa Altyn adamnyŋ şeruı" halyqaralyq körmesınıŋ jobasyn ıske asyru kezınde 221 million teŋge somasynda senıp tapsyrylǧan biudjet qarajatyn ūrlauǧa qatysqan "QR Ūlttyq mūrajaiy" RMQK direktorynyŋ būrynǧy orynbasary Almas Nūrazhan ūstaldy.
"Astana qalasynyŋ mamandandyrylǧan audanaralyq tergeu sotynyŋ sanksiiasymen A.Ş. Nūrazhan 2 ai merzımge qamauǧa alyndy", - dep habarlady sybailas jemqorlyqqa qarsy ıs-qimyl agenttıgınıŋ baspasöz qyzmetı.Qazırgı uaqytta būl ıske qatysty tolyqqandy tergeu jürıp jatyr.
“Adyrna” ūlttyq portaly
Ūqsas jaŋalyqtar
qylmys
Mädeniet ministrı
#Arystanbek_Mūhamediūly
para
#Arystanbek_Mūhamediūlyn #qamauda_ūstau #uaqyty #ūzartyldy
QR Tergeu komitetı
