Oi Qaragai demalys kesheninde qalamyn qarý etken jýrnalıster sportyq saıysqa túsip, eptilik pen shapshańdyq tanytty. Prosports.kz redakııasynyń jýrnalısteri baıypty daıyndyǵymen este qaldy, "Tengrınıýs " alǵan áserimen bólisip, erekshe tolqydy. "QazAqparat " maıtalmandary syrǵanaýdyń syrly órnegin syzyp, kóptiń yqylasyna bólense, al "Vremıa"-lyqtar ornyqtylyq pen sheberliktiń úlgisin kórsetti.
Qazaq medıasynyń 30-dan astam ókili bas qosyp, jýrnalıster arasynda taý shańǵysy boıynsha Qazaqstan Kýbogyn talasqa saldy. Oi Qaragai otbasylyq taý kýrortyndaǵy shýaqty demalys kúni erekshe boldy ári kópshiliktiń esinde qaldy. Sebebi, saıys úshin 30 jyl boıy shańǵy tepken kásibı sportshylar da, ótken jyly ǵana shańǵy tebýge den qoıǵan órender de ortadan tabyldy.
Tartysqa toly saıystyń nátıjeleri boıynsha Egor erler arasynda birinshi oryndy ıelendi. Ekinshi jáne úshinshi oryn Vladımır Prokopenkoǵa (Tengrinews.kz) jáne Andreı Kýkýshkınge ("Informresýrs"agenttigi) buıyrdy.
Arýlar arasynda shtattan tys jýrnalıst Anastasııa Naýmekaıa top jaryp, Natalıa Kachalova kúmis medal ("Kýrsıv" gazeti), al qola medal "Vremıa"gazetiniń jýrnalısi Irına Bajenovanyń qanjyǵasyna baılandy.
"Adyrna" ulttyq portaly
