2023 jyly 15 aqpan saǵat 19.00-de Qurmanǵazy orkestriniń ǵımaratynda Ulttyq orkestrdiń uıymdastyrýymen jyl saıyn dástúrli túrde ótetin «ADAGIO» klassıkalyq mýzyka keshi ótti. Keshte álemdik jáne otandyq tanymal kompozıtorlardyń klassıkalyq týyndylary oryndaldy.
Sondaı-aq, orkestrdiń qyzyqqa toly kezekti konertinde jeke oryndaýshylar Nurǵalym Amanbaı, Igor Blagodarnyı, Qurmanǵazy atyndaǵy Qazaq ulttyq konservatorııasynyń stýdenttik aralas hory jáne dırıjerlar Ian Rýdkovskıı, Qanat Ahmetov, Abylaı Tilepbergen óner kórsetti.
Konert barysynda, álemdik hıt týyndylardyń kóshin bastaǵan Jorj Bızeniń «Karmen» operasyna ývertıýrasy, Djordj Frıderık Gendeldiń 1727 jyly Anglııa koroli Djordj II-niń taqqa otyrýyna oraı jazǵan ánurany «Zadok the Priest», Djakomo Pýchchınıdiń Týrandot operasynan «Nessun dorma» arııasy Qurmanǵazy atyndaǵy Qazaq ulttyq halyq aspaptar orkestriniń súıemeldeýimen oryndaldy.
Mýzyka – júrek tili, sezimder men kóńil-kúı álemi. Ol dybystar arqyly beınelengen jan saraıy. Iá, óıtkeni, klassıkalyq mýzyka – adamzattyń tańǵajaıyp týyndysy. Óıtkeni mýzykanyń óz tili jáne tereń maǵynasy bar. Mýzyka sóıleıtin jerde sózdiń kúshi, qudiret-qýaty jetpeıdi.
