Tilshiler qaýymy Astana ákimi Jeńis Qasymbekten LRT qurylysyn kim jalǵastyratyny jóninde surady, dep habarlaıdy "Adyrna".
«Bas merdiger – Qytaı kompanııasy. Sol kompanııa atalǵan nysan qurylysyn ári qaraı sala beredi», - dedi ákim.
Sondaı-aq, ol vagondarǵa da bas merdiger tapsyrys beretinin aıtty.
«Nysannyń jyljymaly quramyna da solar tapsyrys beredi. Bas merdiger belgili bolǵandyqtan, nysandy ózi aıaǵyna deıin jetkizedi», - dedi Jeńis Qasymbek.
Eske salsaq, memleket basshysy elordany damytý jónindegi jıynda LRT jobasyna erekshe atap ótken edi.
«LRT-ǵa qatysty jumysty meılinshe tezdetip aıaqtaý kerek. Men buryn da aıttym, LRT jobasy negizinen qate boldy. Biraq qazirgi tańda basqa amalymyz joq, bul jobany júzege asyrýymyz kerek. LRT-nyń qurylysyn toqtatsaq, shyǵyn odan da kóp bolady. Al, balama jobalar joq. Jalpy, ákimdikke Úkimetpen birlesip, Astananyń kólik júıesin damytýǵa arnalǵan keshendi baǵdarlama ázirleýdi tapsyramyn», – dedi Toqaev.
"Adyrna" ulttyq portaly
