Qazaqstandyq djıtser Darhan Nortaev pen bloger Farıza Tóreáli sýǵa muqtaj afrıka halqyna qudyq qazyp berdi. Bul jóninde Tóreǵalı Tóreáliniń kúıeý balasy Darhan óziniń Instagram paraqshasynda jazdy, dep habarlaıdy "Adyrna" portaly.
«Bala kezimde ákemmen birge National Geographic arnasyn jıi kóretinmin. Sol kezde Afrıkanyń tabıǵatyna qyzyǵyp jáne sol jaqtaǵy halyqqa kómekteskim keletin. Eseıgen saıyn onyń bári umytylyp ketti.
4 aı buryn Mekkege barǵanymda, Alla belgi bergendeı telefonnan qudyq jaıly vıdeo shyqty, maǵan armanymdy eske túsirgendeı boldy. Sol sátte qudyq salyp bereıik dep sheshtik. Al búgingi tańda amanatymyz tolyq jumysyn atqaryp, adamdar taza sýmen sýsyndap jatyr», — dep jazdy ol.
El aldynda júrgen súıkimdi juptyń jaqsylyǵyna dúıim jurt qýanyp, aq tilekterin aqtaryp jatyr.
Posmotret etý pýblıkaııý v Instagram
Buǵan deıin Darhan men Farıza óz elimizdegi Madına esimdi jalǵyzbasty anaǵa úı tabystaǵan bolatyn. Eshqandaı qor jınamastan, asyraýshysynan aıyrylǵan kópbalaly otbasyǵa óz qaltalarynan baspana syılady.
"Adyrna" ulttyq portaly
