Jambyl oblysynda 2025 jyldyŋ soŋyna deiın oblystaǧy eldı-mekender 100 paiyz 4G internetpen qamtylatyn bolady. Būl jūmystar QR Sifrlyq damu, innovasiialar jäne aeroǧaryş önerkäsıbı ministrlıgı men oblys äkımdıgı arasynda 2023-2027 jyldarǧa arnalyp bekıtılıgen Jol kartasy aiasynda jüzege asady.
Oblys äkımı Nūrjan Nūrjıgıtov Ortalyq kommunikasiialar qyzmetınde ötken baspasöz mäslihatynda osyǧan airyqşa basymdyq berdı.
- Atalǧan jol kartasyna säikes, 2027 jylǧa deiın 165 eldı mekende mobildı internet jelısınıŋ sapasyn 4G–ge arttyru, 28 eldı mekendı elektr jelılerı men antenna-dıŋgek qūrylysymen, 155 eldı mekendegı memlekettık mekemeler talşyqty-optikalyq bailanys jelısımen, respublikalyq jäne oblystyq maŋyzdaǧy joldardy sifrlyq infraqūrylymmen qamtamasyz etu siiaqty mındetter tūr,-dedı aimaq basşysy.
Sondai-aq, Memleket basşysynyŋ «Halyq ünıne qūlaq asatyn memleket» tūjyrymdamasyna säikes öŋırde halyqpen kerı bailanys jüielı jolǧa qoiylǧandyǧy da aityldy.
Osy oraida oblys äkımı, oblys äkımınıŋ orynbasarlarynyŋ, oblys äkımı apparatynyŋ jauapty qyzmekterlerınıŋ audandar men eldı mekenderge şyǧu kestesı bekıtılıp, arnaiy algoritmı äzırlengen.
- Azamattardyŋ ötınışterın sapaly ärı merzımınde qarau maqsatynda oblys äkımdıgınde arnaiy top qūrdyq.
Auyldyq okrug äkımderıne är otbasyna kırıp, olardyŋ äleumettık mäselelerın qarau, tuyndaǧan mäselesın jergılıktı jerde şeşu jönındegı mındetter jüktelgen.
Aitalyq, jyl basynan berı türlı deŋgeidegı äkımdermen 610 kezdesu ötıp, 1000-ǧa juyq azamat qabyldauda bolsa, onda 314 azamattyŋ mäselesı oŋ şeşımın tapty. Būdan bölek, jergılıktı atqaruşy organnyŋ basşylyq qūramyna bır aida bır tūrǧynnyŋ mäselesın şeşu jönınde mındet jüktelıp otyr,-dedı Nūrjan Nūrjıgıtov.
