Almatyda Otan qorǧauşylar künı qalai atap ötıledı?

Merekelık şaralar qalanyŋ barlyq audanynda toilanady. Almatyda 7 mamyrda saǧat 11:00-de Otan qorǧauşy künın merekeleu aiasynda 28 gvardiiaşy-panfilovşylar atyndaǧy saiabaqta merekelık konsert pen äskeri qyzmetşılerdı marapattau räsımı ötedı. Konsertke äskeri qyzmetşıler, äskeri ürmelı orkestr, sondai-aq sahnada Baǧlan Äbdıraiymov, Tolqyn Zabirova, «IL Canto» kvartetı, Jämila Serkebaeva jäne t. b. öner körsetedı. Sonymen qatar, merekelık ıs-şaralar qalanyŋ barlyq audanynda ötedı. - Alatau audanynda  ardagerler men jastardyŋ qatysuymen «Er esımı – el esınde» eskertkışıne gül şoqtaryn qoiu 7 mamyr künı taŋǧy saǧat 10:00-de Janqoja batyr köşesı, 26 mekenjaidaǧy audan äkımdıgı ǧimaratynyŋ aldynda bolady. Jeŋıs künı men Otan qorǧauşylar künıne arnalǧan merekelık ıs-şara 7 mamyrda saǧat 11:00-de Atletter auylynda ötedı; - Almaly audanynda «Elım menıŋ» patriottyq änder oryndauşylarynyŋ baiqauy 7 mamyrda saǧat 17:00-de Arbatta ötedı. - Bostandyq audanynda Otan qorǧauşylar künıne arnalǧan saltanatty ıs-şara 5 mamyrda saǧat 11:00-de Ūlttyq ūlannyŋ 5571 äskeri bölımınıŋ «Oŋtüstık» öŋırlık komandovaniiasynda ötedı, Popov köşesı, 1a - Jetısu audanynda 1941-1945 jyldardaǧy Ūly Otan soǧysyndaǧy Jeŋıs künıne jäne Ūly Otan soǧysy ardagerlerınıŋ, tyl eŋbekkerlerınıŋ, ardagerler ūiymdarynyŋ aktivı men Qaruly Küşter ökılderınıŋ qatysuymen Otan qorǧauşylar künıne arnalǧan merekelık konsert 7 mamyrda saǧat 14:00-de Kemel şaǧyn audanyndaǧy Esım han köşesı, 127A-da ötedı; - Medeu audanynda Otan qorǧauşy künıne arnalǧan merekelık konsert 6 mamyrda, Ǧylym Akademiiasy ǧimaratynyŋ aldyndaǧy alaŋda (Şevchenko köşesı, 28) saǧat 10:00-de ötedı; - Nauryzbai audanynda Otan qorǧauşy künıne arnalǧan saltanatty konsert 5 mamyrda saǧat 10:00-de Aqjar şaǧyn audany, Däuletkerei köşesı, 178 mekenjaidaǧy äskeri bölımde ötedı. - Türksıb audanynda Otan qorǧauşy künıne arnalǧan baǧdarlama 6 mamyrda, QR qūrlyq äskeri institutynda (Krasnogorskaia, 4) saǧat 11:00-de ötedı.