Ishki ister mınıstrliginiń basshysy Astanada túngi 23.00-den keıin barlar men túngi klýbtar, alkogoldi ishimdikterdi satatyn oıyn-saýyq mekemeleriniń jumys isteýine tyıym salýdy usyndy. Bul týraly Qazaqstan Respýblıkasynyń Ishki ister mınıstri Marat Ahmetjanov aıtty, dep habarlaıdy “Adyrna” tilshisi.
Mınıstr eger mekemeler turǵyn úılerde ornalassa, olardyń jumysy saǵat 23.00-ge deıin, al jekelegen ǵımarattarda bolsa - 2.00-ge deıin shektelýi kerek, dep esepteıdi.
Sondaı-aq, ol alkogoldi baqylaýsyz satý Astanadaǵy qylmystyq ahýalǵa áser etkenin aıtty.
Qalada myńdaǵan dámhanalar, barlar, túngi klýbtar bar. Bul bıznestiń mańyzdy salasy. Sonymen qatar, olardyń ıeleriniń barlyǵy óz klıentterine qaýipsiz jaǵdaı jasaı bermeıdi. Qylmys pen quqyq buzýshylyq jıi oryn alady. Men kúndelikti tynyshtyqty buzýdy aıtyp otyrǵan joqpyn. Ótken jyly polıeıler osyndaı 13 myń habarlamaǵa barǵan. Bıyl – 4,5 myń», - dedi Marat Ahmetjanov elorda ákimdiginde ótken jıynda.
Mınıstrlik basshysy mysal retinde saǵat 00.30-da barlardyń birinde kelýshiniń pyshaq jaraqatyn alǵanyn aıtty. Ótken qarasha aıynda tańǵy saǵat 5:30-da bir top mas kelýshiler qoǵamdyq tártipti buzýdy toqtatpaq bolǵan SOBR qyzmetkerine qarsylyq kórsetken.
Mınıstrdiń aıtýynsha, birinshi másele, barlar men klýbtardyń ıeleri qaýipsizdikti qadaǵalamaı, kezdeısoq adamdardy kelisim-shartsyz jumysqa alady. Mundaı qyzmetkerlerde qajetti daǵdylar joq. Ekinshi másele – ýaqyt shekteýiniń joqtyǵy.
Qazir qalada quqyq buzýshylyqtyń 80%-ǵa jýyǵy tún ortasynan keıin jasalady. Sondyqtan turǵyn úılerdegi alkogoldi ishimdikterdi satatyn oıyn-saýyq mekemeleriniń jumys ýaqytyn saǵat 23.00-ge deıin, jekelegen ǵımarattarda - 2.00-ge deıin shekteýdi usynamyz. Ol úshin bul normany elorda aýmaǵyn abattandyrý erejelerine bekitý kerek Árıne, bul norma bıznestiń múddesin qozǵaıdy, — dedi Marat Ahmetjanov.
Mınıstrliktiń habarlaýynsha, sońǵy úsh jylda tún ortasyna deıin jumys istep turǵan mekemelerden polıııaǵa tártip buzǵany týraly birde-bir habarlama túspegen.
